Քաղաքական - «Արդարություն» կուսակցությունը չի մասնակցի արտահերթ ընտրություններին

«Արդարություն» կուսակցությունը որոշում է կայացրել չմասնակցելու արտահերթ ընտրություններին: Այս մասին հայտնում են կուսակցության լրատվական ծառայությունից:

«Վերլուծելով ՀՀ-ում ստեղծված ներքաղաքական իրավիճակը, արձանագրելով ընտրական համակարգի փոփոխության հետ կապված Կառավարության ծրագրի տապալման փաստը, ամփոփելով այլ կուսակցությունների հետ մեր բանակցությունների արդյունքները, հաշվի առնելով կուսակցության տրամադրության տակ գտնվող ռեսուրսները և քարոզարշավի ժամկետները, հիմք ընդունելով կուսակցության անդամների ու համակիրների շրջանում անցկացված հարցման արդյունքները՝

 

«Արդարություն» կուսակցության քաղաքական խորհուրդը որոշեց՝ առանձին ցուցակով կամ դաշինքով չմասնակցել ԱԺ արտահերթ ընտրություններին:

Նպատակ ունենալով նպաստել նոր, խելացի, փորձառու, հայրենասեր, պատասխանատու գործիչների` Աժ-ում ներկայացված լինելուն՝ որոշեցինք,

1. Համագործակցել այլ կուսակցությունների կողմից առաջադրված անկուսակցական թեկնածուների հետ նրանց աջակցելու նպատակով,

2. Բանակցել ընտրություններին մասնակցող կուսակցությունների և դաշինքների հետ` արդյունավետ համագործակցության եզրեր գտնելու ուղղությամբ,

3. Շարունակել հանդիպումներն ու քննարկումները ընտրություններին չմասնակցող քաղաքական ուժերի հետ արտախորհրդարանական համագործակցության ձևաչափերի շուրջ»:

 

 

Լրահոս

Ֆոտոռեպորտաժ

«Երևանյան գույներ»

Հարցումներ