Հասարակություն - Սուրեն Քրմոյանն ընդունել է Ատլանտայի հանրային պաշտպանի գրասենյակի տնօրենի տեղակալին

Արդարադատության նախարարի տեղակալ Սուրեն Քրմոյանն այսօր ընդունել է Ատլանտայի հանրային պաշտպանի գրասենյակի տնօրենի տեղակալ Լուանա Ուոլշին: Հանդիպումը կայացել է ԱՄՆ պետական դեպարտամենտի և Ամերիկյան խորհուրդների ֆինանսավորմամբ իրականացվող Professional Fellows Program ծրագրի շրջանակում: Ինչպես տեղեկացրին ՀՀ արդարադատության նախարարության տեղեկատվության և հասարակայնության հետ կապերի վարչությունից, ողջունելով հյուրին Արդարադատության նախարարությունում՝ փոխնախարար Քրմոյանը ներկայացրել է վերականգնողական արդարադատության ներդրման ուղղությամբ Նախարարության կողմից կատարվող աշխատանքները և այդ համատեքստում շնորհակալություն է հայտնել փորձով փոխանակվելու պատրաստակամության համար:

 

Հանդիպման ընթացքում Լուանա Ուոլշը ներկայացրել է Ատլանտայում կիրառվող վերականգնողական արդարադատության համակարգը, կրկնահանցագործությունների նվազեցմանն ուղղված և իրավախախտում կատարած անձանց վերասոցիալականացման նպատակով իրականացվող գործընթացները, որոնք ըստ կիրառության բաժանվում են տարբեր փուլերի՝ նախքան ձերբակալությունը, նախքան մեղադրանքի առաջադրումը, մեղադրանքի առաջադրումից հետո և ազատազրկումից հետո իրականացվող ծրագրերի:

 

Սուրեն Քրմոյանը նշել է, որ նոր օրենսդրության մշակման գործընթացում հիմք կընդունվի ներկայացված փորձառությունը ևս, ու ընդգծել, որ վերականգնողական արդարադատության համակարգի արդյունավետ ներդրումը պահանջում է շահագրգիռ մարմինների կողմից համատեղ ներգրավված աշխատանք:

 

Հանդիպման ավարտին կողմերն առաջիկայում ևս համագործակցության պատրաստականություն են հայտնել:

Մեր իշխանությունները վարձահատույց են լինում իրենց բարերարներին. վերլուծաբան

Բանակցություններն ընթանում են Հայաստանի առաջարկած տարբերակով. ադրբեջանագետ

Մեր մշակույթը միայն Հայաստանում է զարգանում. Ազիզ Թամոյան

Լրահոս

Ֆոտոռեպորտաժ

«Երևանյան գույներ»

Հարցումներ