Տնտեսություն - Կառավարությունը հավանություն կտա Գյումրիի փողոցների բարեկարգման ծրագրին. որքան գումար կտրամադրվի

Հայաստանի կառավարությունն այսօր հավանություն կտա Գյումրու քաղաքապետարանի եւ Վերակառուցման եւ զարգացման եվրոպական բանկի միջեւ «Գյումրու քաղաքային ճանապարհներ. Տրանշ Բ» եւ «Տրանշ Գ» դրամաշնորհային համաձայնագրերի ստորագրման առաջարկությանը: Նշենք, որ ՀՀ եւ Վերակառուցման եւ զարգացման եվրոպական բանկի միջեւ 2016 թվականի մայիսի 11-ին ստորագրված «Գյումրու քաղաքային ճանապարհներ» վարկային համաձայնագրով սահմանված «Տրանշ Բ» դրամաշնորհային համաձայնագրով նախատեսվում է 2 մլն 650 հազար եվրո դրամաշնորհային միջոցների ներգրավում ծրագրի համաֆինանսավորման նպատակով:

Իսկ, ահա, «Տրանշ Գ» համաձայնագրով նախատեսվում 2 մլն եվրոյի ներգրավում: Ի դեպ, նշենք, որ դեռեւս նախորդ տարի հայտնի դարձավ, որ Վերակառուցման եւ զարգացման եվրոպական բանկը 23,8 մլն եվրո է տրամադրել Գյումրիի փողոցների բարեկարգման համար: Ծրագրի շրջանակներում 3 տարվա ընթացքում Գյումրիում պետք է հիմնանորոգվի շուրջ 16 կմ ճանապարհ, իսկ փողոցները լուսավորվեն խնայողական լամպերով:

Նախորդ տարվա սեպտեմբերին, սակայն, բազալտե եզրաքարերի շարման գործընթացը կասեցվեց: Բանն այն է` թավշյա հեղափոխությունից հետո մարզային նոր իշխանությունները շինարարական աշխատանքներում մի շարք թերություններ արձանագրեցին:

armlur.am

Լրահոս

Ֆոտոռեպորտաժ

«Երևանյան գույներ»

Հարցումներ