Սպորտ - Մալխաս Ամոյանը ոսկե մեդալ է նվաճել միջազգային մրցաշարում

Լեհաստանի մայրաքաղաք Վարշավայում ընթացող ըմբշամարտի միջազգային մրցաշարում 72 կգ քաշային Մալխաս Ամոյանը դարձել է ոսկե մեդալակիր` եզրափակչում 6:0 հաշվով հաղթելով ուկրաինացի Մաքսիմ Եվտուշենկոյին: Այս մասին հայտնում է Armsport-ը։
Հիշեցնենք, որ հայ ըմբիշը պայքարն սկսել էր քառորդ եզրափակչից, որտեղ 9։0 հաշվով առավելության էր հասել թուրք Ահմեդ Յիլմազի նկատմամբ։ Կիսաեզրափակչում Ամոյանի մրցակիցը ԱՄՆ-ի ներկայացուցիչ Ռայմոնդ Բունկերն էր, ում հայ մարզիկը հաղթել էր 9։0 հաշվով։

Մրցաշարի 87 կգ քաշային կարգի եզրափակիչը հայկական է լինելու: Ոսկե մեդալի համար այսօր կպայքարեն Մաքսիմ Մանուկյանն ու Արթուր Շահինյանը: 60 կգ քաշային Գևորգ Ղարիբյանը կպայքարի բրոնզե մեդալի համար: Նույն քաշային կարգում հանդես եկող Արմեն Մելիքյանը պարտվել է:
tert.am

Լրահոս

Ֆոտոռեպորտաժ

«Երևանյան գույներ»

Հարցումներ