Տարածաշրջան - Ճաշ երկնքում. Վրաստանում բացվել է Dinner In The Sky-ը

Աշխարհի ամենայուրահատուկ համարվող ընկերություններից մեկը՝ Dinner In The Sky-ը Թբիլիսիից ոչ հեռու, Կոջորի համայնքում ռեստորան է բացել, գրում է «Ալիք մեդիա»-ն։

Dinner In The Sky-ը հաճախորդներին առաջարկում է 50 մետր բարձրության վրա ճաշել: Հյուրերը ամրագոտիներով են, նրանց վեր են բարձրացնում հատուկ վերամբարձ կռունկի միջոցով:

Հարթակը նախատեսված է 22 տեղի համար։ Ընկերությունը 100% անվտանգության երաշխիք է տալիս: Ամեն ինչ կառուցված է գերմանական ստանդարտներով, բելգիական սարքավորումներով:

Այցելուներին առաջարկվում է վրացական խոհանոցի ուտեստներ և տեղական գինի: Ամեն օր, ժամը 17:00-ին սկսվում է գինու համտեսումը՝ Tbilisi Daylight, արժեքը 199 լարի է՝ մեկ մարդու համար (մոտ 75 դոլար). կա նաև լանչ և ընթրիք: Tbilisi Twilight-ը սկսվում է 19:00-ին, իսկ Tbilisi City Light — 21:00-ին: Երկուսի արժեքն էլ 325 լարի է՝ մեկ մարդու համար (մոտ 120 դոլար):

Dinner In The Sky-ը Կոջորիում 5 մլն. դոլարի ներդրում է արել: Ռեստորանն աշխատելու է միայն գարնանն ու ամռանը: 2020-ին ծրագրվում է նմանատիպ ռեստորանի հիմնում ծովափնյա Բաթումիում:

«Ճաշ երկնքում» առաջին ռեստորանը բացվել է 2006-ին՝ Բելգիայում:

Forbes-ը այն ներառել է աշխարհի լավագույն և օրիգինալ ռեստորանների շարքում: Վրաստանը դարձավ 71-րդ երկիրն, ուր աշխատում է Dinner In The Sky-ը:

Լրահոս

Ֆոտոռեպորտաժ

«Երևանյան գույներ»

Հարցումներ