Միջազգային - Իսրայելցի զինվորականները հաստատել են պաղեստինցիների հետ հրադադարի կնքումը

Իսրայելցի զինվորականները հայտարարել են, որ հանում են բոլոր սահմանափակումները, որոնք մտցրել էին երկրի հարավի բնակիների համար՝ պաղեստինյան գնդակոծությունների հետ կապված, փոխանցում է «ՌԻԱ Նովոստի»-ն:

Բանակի մամուլի ծառայության հաղորդագրության մեջ փաստացի հաստատվում է գրեթե երկու օր հարվածների փոխանակումից հետո հակամարտության կողմերի հրադադարի պայմանավորվածության հասնելու մասին:

«7.00-ից բոլոր սահմանափակումները, որոնք մտցվել էին Թիկունքի ծառայության կողմից, կհանվեն»,- հայտարարել են զինվորականները:

Սահմանափակումներն ու արգելքները, որոնք մասնավորապես վերաբերում էին Գազայի հատվածին շրջանների հասանելությանը, դպրոցներում դասերին, զանգվածային միջոցառումների անցկացմանը, գործում էին պաղեստինյան անկլավի սահմանից 40 կմ շառավղով:

Գազայի հատվածի խոշորագույն խմբավորումներ ՀԱՄԱՍ-ի եւ «Իսլամական ջիհադի» վերահսկած հեռուստակայանները ավելի վաղ հաղորդել էին ռազմական գործողությունները 4.30-ից դադարեցնելու մասին:

Լրահոս

Ֆոտոռեպորտաժ

«Երևանյան գույներ»

Հարցումներ