Պաշտոնական - Բարեկեցիկ հասարակությունն ապահով երկրի երաշխիքն է. Արմեն Սարգսյան

արեկեցիկ հասարակությունն ապահով երկրի երաշխիքն է: Այս մասին ասված է ՀՀ նախագահ Արմեն Սարգսյանը շնորհավորական ուղերձում՝ Աշխատանքի օրվա առիթով։

«Սիրելի հայրենակիցներ,

Այսօր Աշխատանքի օրն է, ինչի առթիվ շնորհավորում եմ բոլորիդ:

Բոլոր արժեքները եւ արժեքավոր ամեն ինչ՝ հանապազօրյա հացից մինչեւ նորագույն տեխնոլոգիա, մշակութային արժեքից մինչեւ տնտեսական նվաճում, ստեղծվում են մարդու աշխատանքի շնորհիվ: Պատահական չէ, որ մարդկային կապիտալն ամենաթանկն է աշխարհում:

Աշխատանքը մղում է մտածելու, երազելու, ստեղծելու, արարելու: Հարափոփոխ աշխարհում գիտելիքներով եւ հմտություններով զինված աշխատանքն է երաշխավորված հաջողության գրավականը: Միաժամանակ, շատ կարեւոր է, որ աշխատանքի իրավունք ունեցող յուրաքանչյուր ոք աշխատելու հնարավորություն ունենա, եւ այդ աշխատանքն ապահովի արժանապատիվ կենսամակարդակ: Բարեկեցիկ հասարակությունն ապահով երկրի երաշխիքն է:

Աշխարհի ցանկացած երկրում մենք կարող ենք տեսնել մեր հայրենակիցների արարող ձեռքի եւ ստեղծագործ մտքի արգասիքները, բայց մեր մեծագույն ձեռքբերումների աղբյուրը Հայաստանն է, որտեղ պետք է շարունակեն կերտվել մեր հետագա հաջողությունները:

Հենց մեր աշխատանքով պետք է ապահովենք Հայաստանի այսօրվա ու ապագա զարգացումը՝ ոչ միայն նորարար մոտեցումներով, այլեւ կիրառելով ժամանակակից աշխատանքի կազմակերպման եւ աշխատողների իրավունքների պաշտպանության առաջադիմական փորձն ու մոտեցումները: Վստահ եմ, որ բոլորիս ջանքերը համատեղելով՝ շենացնելու ենք մեր միասնական Հայաստանը:

Կրկին շնորհավորում եմ բոլորիդ: Առանձնահատուկ ուզում եմ շնորհավորել աշխատանքի վետերաններին, որոնք մեզ փոխանցում են ոչ միայն աշխատանքի նկատմամբ պատասխանատվությունն ու հարգանքը, այլեւ դարերից մեզ հասած արհեստներն ու հմտությունները:

Ցանկանում եմ, որ բոլորդ հնարավորություն ունենաք աշխատանքի միջոցով, աշխատանքի շնորհիվ իրացնելու ձեր ֆիզիկական, մտավոր, հոգեւոր ու նյութական հմտությունն ու ներուժը, գիտելիքը, փորձն ու երեւակայությունը:

Մաղթում եմ, երջանկություն, բարեկեցություն եւ ամենայն բարիք»,-ասված է ուղերձում:

Նախագահը շնորհավորել է Եթովպիայի նախագահին՝ երկրի Ազգային տոնի առթիվ

Նիկոլ Փաշինյանն աշխատանքային այցով կմեկնի Ղազախստան

Լրահոս

Ֆոտոռեպորտաժ

«Երևանյան գույներ»

Հարցումներ