Քաղաքական - Մեկ տարի առաջ Նիկոլին, Արարատին, Սասունին ձերբակալեցին. Ռուբեն Ռուբինյան

«Իմ քայլը» խմբակցության պատգամավոր, ԱԺ արտաքին հարաբերությունների մշտական հանձնաժողովի նախագահ Ռուբեն Ռուբինյանը ֆեյսբուքյան իր էջում գրել է․ «Մեկ տարի առաջ Նիկոլին, Արարատին, Սասունին ձերբակալեցին։ Սանասարյանին ու Արմենին ձերբակալել էին նախորդ օրերին։ Մինչև հասա Հանրապետության հրապարակ, բռնել էին նաև Ավինյանին։ Արայիկին էլ հաջողվել էր վերջին պահին չբռնվել ու թաքնվել։

Էդպես ունեցա երբևէ առաջին հրապարակային ելույթս։ Ելույթումս ասացի, որ բանտերը չեն բավարարելու բոլորիս տեղավորելու համար, և որ անհնար է բռնել բոլոր ղեկավարներին, որովհետև այս հրապարակում բոլորը ղեկավար են։

Ու սա քաղաքական տրյուկ չէր։ Թավշյա հեղափոխությունը ո՛չ Նիկոլի, ո՛չ իմ, ո՛չ էլ «Իմ քայլ»-ի հեղափոխությունը չէր․ այն բոլորինս էր։ Եվ Քաղաքացու օրը նույնպես մեր քաղաքական թիմինը չէ․ այն Հայաստանի Հանրապետության բոլոր քաղաքացիներինն է։ Կանցնեն տարիներ, «Իմ քայլն» այլևս չի լինի իշխանություն, չի ունենա նույն վարկանիշը, բայց Քաղաքացու օրը պիտի մնա որպես հիշեցում այն բանի, որ ստից, կոռուպցիայից, ապօրինությունից ու անարդարությունից ելք կա, եթե դա ուզում է քաղաքացին»։

Լրահոս

Ֆոտոռեպորտաժ

«Երևանյան գույներ»

Հարցումներ