Միջազգային - Պենտագոնը Մեքսիկայի սահմանին պատի կառուցման պայմանագրեր է կնքել

Պենտագոնը Մեքսիկայի սահմանին պատի կառուցման գրեթե միլիարդ դոլարի պայմանագրեր է կնքել 2 ընկերությունների հետ, նշված է գերատեսչության չորեքշաբթի տարածած հաղորդագրության մեջ, փոխանցում է «ՌԻԱ Նովոստի»-ն: 

Մասնավորապես՝ 789 մլն դոլարի մի պայմանագիրը ստացել է տեխասյան SLSCO Ltd ընկերությունը: Այս գումարը կծախսվի Նյու Մեքսիկո նահանգում Սանտա Թերեզա քաղաքի շրջանում արգելապատնեշների կառուցման վրա:

Երկրորդ՝ 187 մլն դոլարի պայմանագիրը բաժին է հասել Barnard Construction Co. Inc ընկերությանը: Այն պատ կկառուցի Արիզոնա նահանգի Յումա քաղաքի շրջանում:

Նախատեսվում է երկու պատվերներով էլ շինարարական աշխատանքներն ավարտել 2020 թվականի աշնանը:

ԱՄՆ նախագահ Դոնալդ Թրամփն ավելի վաղ սահմանին արտակարգ դրության ռեժիմ էր հայտարարել, որպեսզի այլ նպատակների համար նախատեսված մոտ 6,4 մլրդ դոլարը Կոնգրեսին շրջանցելով օգտագործի սահմանին արգելապատնեշներ կառուցելու համար. ըստ Սահմանադրության՝ Կոնգրեսը պետք է հավանություն տա բյուջեի ցանկացած ծախսին: Այս քայլն արդեն վիճարկվում է դատարաններում:

Լրահոս

Ֆոտոռեպորտաժ

«Երևանյան գույներ»

Հարցումներ