Միջազգային - Թեհրանը ճնշում կգործադրի Եվրոպայի երկրների վրա. Զարիֆ

Թեհրանը ճնշում կգործադրի Եվրոպայի երկրների վրա, որպեսզի նրանք իրանական միջուկային համաձայնագրի շրջանակում կատարեն իրենց պարտավորությունները: Այս մասին հայտարարել է Իրանի ԱԳ նախարար Մուհամադ Ջավադ Զարիֆը, հաղորդում է Tasnim-ը:

«Եվրոպան պետք է իմանա, որ չի կարող խուսափել իր պարտականություններից մի շարք մեկնաբանությունների կամ չկատարված ծրագրերի միջոցով», - նշեց նա:

Նրա խոսքով՝ Իրանը շարունակում է Եվրոպային զգուշացնել եւ նրա վրա ճնշում գործադրել պարտավորությունների կատարման համար, Իրանը երբեք չի ապավինում Եվրոպային:

 

«Եվրոպացիներն ամենասկզբից իրանական միջուկային համաձայնագիրը որպես ձեռքբերում են դիտարկել, սակայն հնարավոր է նրանք պատրաստ չեն եւ իհարկե բավարար ուժ չունեն ԱՄՆ պատժամիջոցներին (Իրանի դեմ) դիմակայելու համար», - հավելել է նա:

Նախարարը նաեւ նշել է, որ Իրանը մեծ ջանքեր է գործադրել իր հարեւանների եւ հին դաշնակիցների, այդ թվում, Ռուսաստանի, Չինաստանի, Թուրքիայի եւ Իրաքի հետ կապերի ամրապնդման համար:

Լրահոս

Ֆոտոռեպորտաժ

«Երևանյան գույներ»

Հարցումներ