Տնտեսություն - 2019 թ. բյուջեի եկամտային մասը 40 մլրդ դրամով կգերակատարվի. Նիկոլ Փաշինյան

Ամփոփելով այս տարվա առաջին երեք ամիսների մեր գործունեությունը, մենք եկանք այն եզրակացության, որ 2019 թ. բյուջեի եկամտային մասը կգերակատարվի 40 մլրդ դրամով, այսինքն, մոտ 90 մլն դոլարով: Մարտի 27-ին Ազգային ժողովում, ներկայացնելով  կառավարության 2018 թ. գործունեության մասին զեկույցն, այս մասին ասաց  վարչապետ Նիկոլ Փաշինյանը:

Նրա կարծիքով դա նշանակում է, որ Կառավարությունը կգերակատարի  2019-ի պետբյուջեի եկամուտների մասով ծրագիրը, որն ավելի վաղ հաստատվել էր Ազգային ժողովի կողմից:

 

«Ուզում եմ ընդգծել, որ վերջին 9 տարում սա աննախադեպ երեւույթ է, որովհետեւ  նախկինում մենք բավական երկար ժամանակ չենք ունեցել իրավիճակ, երբ բյուջեի եկամուտները կգերակատարվեն, այն էլ այսպիսի հսկայական ծավալներով», - հավելեց Փաշինյանը:

Վարչապետը նշեց, որ այդ ֆինանսական միջոցների շնորհիվ 2019-ի հուլիսի 1-ից նրանք մտադիր են 10 տոկոսվ բարձրացնել զինծառայողների աշխատավարձերը, իսկ սեպտեմբերի 1-ից նույն չափով բարձրացնել հանրապետության հանրակրթական դպրոցների ուսուցիչների աշխատավարձերը: Խոսքը, ինչպես ընդգծեց Փաշինյանը, մոտ 38 հազար ուսուցիչների մասին է (նրանց թիվն այժմ երկրում 10 հազարով ավելի է, այսինքն բարձրացումն իրականում կարող է կրճատումների արդյունք լինել-խմբ.):

Լրահոս

Ֆոտոռեպորտաժ

«Երևանյան գույներ»

Հարցումներ