Միջազգային - Եվրախորհրդարանը ԵՄ-ի եւ Ռուսաստանի հարաբերությունների մասին բանաձեւ է ընդունել

Եվրախորհրդարանը ԵՄ-ի եւ Ռուսաստանի հարաբերությունների մասին բանաձեւ է ընդունել։ Ինչպես հայտնում է DW-ն, դրան Ստրասբուրգում կողմ են քվեարկել 402 եվրապատգամավորներ։ Դեմ են հանդես եկել 163 խորհրդարանականներ, 89-ը ձեռնպահ են մնացել։ Բանձեւի տեքստը կազմվել է լատվիացի պատգամավոր Սանդրա Կալնիետեի զեկույցի հիման վրա։

Բանաձեւի համաձայն, Ռուսաստանն այլեւս չի կարող Եվրամիության ռազմավարական գործընկեր ճանաչվել։ Դրա հիմնական պատճառը Մոսկվայի կողմից միջազգային իրավունքը եւ դեմոկրատական սկզբունքները խախտելն է։

Դրանից ելնելով՝ Եվրախորհրդարանը համարում է, որ «ԵՄ-ն չի կարող դիտարկել գործերի սովորական ընթացքին վերադարձը, քանի դեռ Ռուսաստանն ամբողջությամբ չի իրականացրել մինսկյան համաձայնագրերը եւ չի վերականգնել Ուկրաինայի տարածքային ամբողջականությունը»։

Ինչ վերաբերում է «Հյուսիսային հոսք-2» գազատարին, ապա բանաձեւում նշվում է, որ այն կմեծացնի Եվրամիության կախումը Ռուսաստանի գազի մատակարարումներից։ Գազատարը նաեւ «սպառնում է ԵՄ-ի ներքին շուկային եւ չի համապատասխանում ԵՄ էներգետիկ քաղաքականությանը եւ նրա ռազմավարական շահերին, այդ պատճառով այն (գազատարի կառուցումը) պետք է դադարեցվի»։

Լրահոս

Ֆոտոռեպորտաժ

«Երևանյան գույներ»

Հարցումներ