Մշակույթ - Անթիլիասում Արամ Առաջինն ընդունել է Տիգրան Մանսուրյանին

Մեծի Տանն Կիլիկիո կաթողիկոս Ն.Ս.Օ.Տ.Տ. Արամ Առաջինը նախօրեին Անթիլիասի Մայրավանքում ընդունել է կոմպոզիտոր Տիգրան Մանսուրյանին։

Կիլիկիո կաթողիկոսարանից հայտնում են, որ Տիգրան Մանսուրյանը մեկ շաբաթ մնալու է Անթիլիասի Մայրավանքում որպես Մեծի Տանն Կիլիկիո կաթողիկոսարանի հյուր։

Նա այցելելու է Թռչնոց Բույն, Հայոց ցեղասպանության որբերի «Արամ Պեզիքյան» թանգարան, Ս. Աստվածածին վանք եւ Դպրիվանք։ Տ. Մանսուրյանը ներկա է գտնվելու Մայր տաճարում կայանալիք եկեղեցական արարողություններին, նաեւ հանդիպումներ է ունենալու լիբանանահայ մշակութային միությունների պատասխանատուների հետ։

Կոմպոզիտորն այցելելու է նաեւ Բուջ Համուդի եւ Այնջարի հայավան։

Լրահոս

Ֆոտոռեպորտաժ

«Երևանյան գույներ»

Հարցումներ