Քաղաքական - Եկել է մեր և մեր ժողովրդի ժամանակը` հավատալու սեփական ուժին. Նիկոլ Փաշինյան

ՀՀ վարչապետ Նիկոլ Փաշինյանը, ով երկօրյա պաշտոնական այցով Գերմանիայում է, ֆեյսբուքյան իր էջում տեսանյութ է հրապարակել, որին կից գրել է.

«Իմ ելույթը՝ Գերմանիայի հայ համայնքի հետ Քյոլնի հայկական եկեղեցում տեղի ունեցած հանդիպման ժամանակ»:

Փաշինյանը նշել է, որ իր ղեկավարած կառավարությունը և անձամբ ինքը ստանձնում են և ստանձնել են իրենց վրա դրված պատասխանատվությունը, որը վերահաստատվել է խորհրդարանական վերջին ընտրություններում:

ՀՀ վարչապետի խոսքով` տնտեսական հեղափոխության իրենց պատկերացումը չի փոխվել, այն մնացել է նույնը, և ինչպես քաղաքական հեղափոխությունը հնարավոր չէր և չէր կարող տեղի ունենալ առանց յուրաքանչյուր հայի մասնակցության, առանց յուրաքանչյուր քաղաքացու մասնակցության, այնպես էլ տնտեսական հեղափոխությունը հնարավոր չի լինելու, չի լինի իրականացնել առանց մեր հայրենակիցների:

«Ովքե՞ր են փոխում աշխարհը, ովքե՞ր են փոխում իրականությունը. դա անում են մարդիկ: 21-րդ դարը այն մարդկանց ժամանակն է, ովքեր հավատում են իրենց ուժին, և հիմա եկել է մեր և մեր ժողովրդի ժամանակը` հավատալու սեփական ուժին»,- ասաց նա:

 

Լրահոս

Ֆոտոռեպորտաժ

«Երևանյան գույներ»

Հարցումներ