Միջազգային - Փարիզում պայթյունի զոհ է դարձել չորս մարդ

Փարիզում պայթյունի զոհ է դարձել չորս մարդ, տեղեկացնում է ՌԻԱ «Նովոստի»-ն՝ հղում կատարելով BFMTV հեռուստաալիքին։ Այս մասին հեռուստաալիքին տեղեկացրել է Ֆրանսիայի ներքին գործերի նախարար Քրիստոֆ Քաստաները։

Նախարարի խոսքերով՝ զոհվածներից երկուսը հրշեջներ են։

Ավելի վաղ տեղեկացվում էր 36 տուժածի մասին, որոնցից 12-ը լուրջ վնասվածքներ են ստացել։

Փռում տեղի ունեցած պայթյունը Փարիզի 9-րդ օկրուգում՝ Թրեւիզ եւ Սենթ Սեսիլ փողոցների անկյունում, որոտացել է առավոտյան ժամը 9-ին մոտ։ Պայթյունից հետո հրդեհ է սկսվել, կոտրվել են հարեւան շենքերի ապակիները։

Նախնական տվյալներով՝ պայթյունի պատճառը գազի արտահոսքն է եղել։ BFMTV-ն նշում է, որ արտակարգ դրությունը ոչ մի կերպ չի կապվում «դեղին բաճկոնների» բողոքի ակցիաների հետ, որոնք այսօր տեղի են ունենում Ֆրանսիայի մայրաքաղաքում։

Լրահոս

Ֆոտոռեպորտաժ

«Երևանյան գույներ»

Հարցումներ