Միջազգային - Ուկրաինան 6 թուրքական հարվածային անօդաչու է գնել

Ուկրաինան պայմանագիր է ստորագրել թուրքական Bayraktar TB2 հարվածային անօդաչուները ձեռք բերելու մասին:

««Ուկրօբորոնպրոմ» պետական կոնցեռնը գնել է Bayraktar TB2 թուրքական հարվածային անօդաչուները մեր բանակի համար: Ուկրաինայի զինված ուժերը հավասարեցնում ենք ՆԱՏՕ-ի չափանիշներին», - Коммерсантъ-ի փոխանցմամբ՝ գործարքի մասին իր ֆեյսբուքյան էջում տեղեկացրել է Ուկրաինայի նախագահ Պյոտր Պորոշենկոն:

Ինչպես պարզաբանել է Պորոշենկոն, գնման մասին պայմանավորվածությունն ավելի վաղ ձեռք է բերվել Թուրքիայի նախագահ Ռեջեփ Թայիփ Էրդողանի հետ բանակցությունների ընթացքում: Նրա խոսքով՝ ապագայում անօդաչուները կարող են համալրվել հրթիռային սպառազինմամբ, որը կարող է ոչնչացնել զրահատեխնիկան, ինժեներական սարքավորումներ, ինչպես նաև ծովային թիրախներ խոցել:

Լրահոս

Ֆոտոռեպորտաժ

«Երևանյան գույներ»

Հարցումներ