Քաղաքական - Պետբյուջե կվերադարձվի շուրջ 1,5 մլրդ դրամ

Երևան քաղաքի 2018 թվականի բյուջեում փոփոխություններ իրականացվեցին, որով պետբյուջե կվերադարձվի ավելացված գումարը: Որոշումն ընդունվեց ավագանու այսօրվա արտահերթ նիստում:

 

Փոխքաղաքապետ Հայկ Սարգսյանը տեղեկացրեց, որ նախագծով առաջարկվում է եկամուտների գումարը նվազեցնել 1,440,780.4 հազար դրամով և ծախսերի գումարը նվազեցնել 1,440,780.4 հազար դրամով: Նրա խոսքով՝ հիմնական մասը բաժին է ընկնում վարկային ծրագրերին:

 

«Լույս» խմբակցության ավագանու անդամ Անի Սամսոնյանը հետաքրքրվեց, թե ինչու են կրճատվել որոշ վարկային միջոցներ, ինչին ի պատասխան փոխքաղաքապետն ասաց. «Խոսքը ոչ թե բյուջեի կրճատման մասին է կամ ծրագրերի չկատարման, այլ ծրագրերը, որոնք մնացել են ազատ՝ մնացորդներ տարվա վերջի դրությամբ, կառավարությունը որոշել է, որ այդ գումարները վերադարձվեն իրենց ծագման աղբյուրին»:

 

Ըստ նրա՝ ծրագրերը վերաբերում են հիմնականում շինարարության, տրանսպորտի ոլորտներին:

Լրահոս

Ֆոտոռեպորտաժ

«Երևանյան գույներ»

Հարցումներ