Ազատ խոսք - Բաց նամակ Մարտունի քաղաքի դպրոցի ուսուցչուհուց

Բաց նամակ Մարտունի քաղաքի Ս. Դարբինյանի անվան N2 հիմնական դպրոցի ուսուցչուհի Լիլիա Հենրիկի Գրիգորյանից։

 

Ս.թ. օգոստոսի 27-ին Մարտունի քաղաքի Ս. Դարբինյանի անվան N2 հիմնական դպրոցի տնօրենի ժամանակավոր պաշտոնակատար է նշանակվում հաշվապահ Գայանե Ասատրյանի ամուսին՝ Համլետ Մարտոյանը, միթե սա անհնարինության դեպքը չէ: 10-13օր հետո ժ/պ փոխարեն նոր ժ/պ է նշանակվում՝ այս անգամ նախկին տնօրեն Լևոն Գալստյանի աղջիկ Աստղիկ Գալստյանը:

 

Եթե այս նշանակման մեջ նախկին տնօրենին «վերարտադրելու» միտում չկա, ապա այդ ոնց եղավ, որ ամբողջ մանկավարժական կոլեկտիվից նշանակվեց հենց նախկին տնօրենի աղջիկը, անտեսելով ուսումնական հաստատության ղեկավարման միակ իրավունք-հավաստագիր ունեցողին, որը ես եմ: Այս հարցով դիմել եմ նախկին մարզպետ Իշխան Սաղաթելյանին: Սակայն սա դեռ վերջը չէ: Հովանավորչությունը և ամենաթողությունը դպրոցում անում է իր գործը:

 

 

Ս.թ. հոկտեմբերի 31-ին դիմում եմ տնօրենի պաշտոնի համար անցկացվող մրցույթին որպես հավակնորդ գրանցվելու համար: Սակայն պարզվում է, որ ՀՀ կրթության ու գիտության նախարարության կողմից հաստատված ՀՀ հանրակրթական ուսումնական հաստատությունում գործածության ենթակա դպրոցի կառավարման խորհրդի արձանագրությունների մատյանը չեն կարողանում իրենց խոսքերով ասած «գտնել»:

 

Տնօրենի պաշտոնակատար Աստղիկ Գալստյանը պատճառաբանել է, որ վերահանձնում չի եղել, ինքը չգիտի թե ինչ է եղել այդ մատյանը: Միթե՞ սա միտում չէ: Տնօրենի հավակնորդի փաստաթղթերը ընդունուվում է «բլոկնոտի» թերթիկի վրա: Հարկ է նշել, որ վկայականների բաշխման մատյանը նույնպես համարվում է անհայտ «կորած»: Պարզվում է, որ արտագրել են արդեն, այն բերելով «քրիստոնեական» վիճակի:

 

Կեղծիքների հետքերը վերացնելու նպատակով վաղը միգուցե արխիվն էլ կորչի: Վերջապես ո՞վ է պատասխանատու այս դպրոցում կատարվող շղթայական անօրինականությունների համար:

 

1. Ո՞վ և ինչպե՞ս է զբաղվում այս դպրոցի վերհսկողությամբ և արդյոք զբաղվու՞մ է:

2. Ինչու՞ դպրոցում հանձնընդունելություն չի կատարվել. հաշվապահ Գայանե Ասատրյանի ամուսին՝ Համլետ Մարտոյանին ինչն են հանձնել և հաշվապահի ամուսին Համլետ Մարտոյանը ինչ է հանձնել նախկին տնօրեն Լևոն Գալստյանի աղջիկ Աստղիկ Գալստյանին: աաաաաաաաա ԱԱՎերջապես այս հանրակրթական դպրոցը ինչ-որ մեկի սեփականությունը չէ, որ ինչպես ուզենան, այնպես էլ վարվեն պետական դպրոցի և պետական դպրոցի փաստաթղթերի հետ:

 

3. Ս.թ սեպտեմբերի 10 մանկավարժական կոլեկտիվին, կրթության բաժնի աշխատակիցները ներկայացնում են Աստղիկ Գալստյանին, որպես տնօրենի ժ/պ:

 

Ինչու՞ է փաստաթղթերի տակ մինչև այսօր ստորագրում Հ.Մարտոյանը: Դուրս է գալիս` միաժամանակ դպրոցում աշխատում են տնօրենի երկու ժ/պ:

 

4. Ո՞վ է պատասխանատու դպրոցում տիրող բարոյա-հոգեբանական մթնոլորտի համար, որ ստեղծել է տնօրենի պաշտոնակատար Աստղիկ Գալստյանը ի դեմս ինձ՝ վարկաբեկելով իմ հեղինակությունը, նույնիսկ՝ իմ անձը:

 

5. Ինչպե՞ս է Աստղիկ Գալստյանը հայտնվել դպրոցում (բնական է, հայրը դպրոցի տնօրեն էր, դա էլ հարց էր տնօրեն-հոր համար), եթե նա մասնագիտությամբ միջազգայնագետ է և չի ունեցել համապատասխան կրթություն սոցիալական մանկավարժ աշխատելու համար: Նույն գործելաձևով էլ չունենալով հավաստագիր, ցանկանում է դառնալ տնօրեն, («խորհուրդը մերն է, կձգձգենք մրցույթը այնքան, մինչև ընթացքում «հանեմ»»):

 

6. Ինչու՞ են մարզային կրթության բաժնի պատասխանատուները ինձ անտեսել տնօրենի պաշտոնակատար նշանակելու հարցում, երբ կոլեկտիվում միակ հավաստագիր ունեցող մանկավարժը ես եմ:

 

7. Ինչու՞ են մարզային կրթության բաժնի պատասխանատուները կատարել կոռուպցիոն ռիսկ պարունակող այդ նշանակումները:

 

8. Եվ վերջապես էլ ի՞նչ խախտումներ և անօրինականություններ պետք է կատարվեն այս ոլորտում, որ արժանանան համապատասխան մարմինների ուշադրությանը:

 

9. Ինչու՞ չեն կիրառվում համապատասխան միջոցներ, որովհետև ամենայն հավանականությամբ այս ոլորտներում անօրինականություններ իրականացնողները ունեն հուսալի «տանիք»:

 

Անցել են մայր և դուստր, հայր և դուստր տնօրեններ նշանակելու ժամանակները: Անցել են դինաստիաների ժամանակները: Անցել են թիկունք, ծանոթ, բարեկամ կապերով տնօրեններ նշանակելու ժամանակները: Ես լիահույս եմ, որ այս անօրինականությունների շղթան կքանդվի և արդարացի լուծում կտրվի այս հարցին: Արդարությունը պետք է հաղթի: Անցնելով անարդարությունների միջով, այս անգամ պայքարելու եմ իմ իրավունքների համար մինչև վերջ:

 

Հ.Գ. Ս.թ նոյեմբերի 29-ին տեղի ունեցավ Մարտունու Ս.Դարբինյանի անվան N2 հիմնական դպրոցի տնօրենի թափուր տեղի համար մրցույթ: Մրցույթի ընթացաքը ձայնագրվել է: Ներկայացրել եմ զարգացման ծրագիրը: Պատասխանել հարցերին: Սակայն հանձնաժողովը չի քվեարկել իմ օգտին, բացառություն են կազմում երկու անդամները:

 

Խնդրում եմ ի նկատի ունենալ, որ հանձնաժողովի անդամները չքվեարկեցին իմ օգտին ելնելով նախկին տնօրեն Լևոն Գալստյանին վերարտադրելու միտումից, ելնելով ի օգուտ նրա աղջիկ միջազգայնագետ Աստղիկ Գալստյանի:


Խնդրում եմ պարզել Մարտունու Ս.Դարբինյանի անվան N2 հիմնական դպրոցի կառավարման խորհրդի կազմի օրինականության հարցը: Մասնավորապես՝ Ինչու՞ է դպրոցի կառավարման խորհուրդը նախկին տնօրեն ներկայիս ժ/պ Աստղիկ Գալստյանը։



Ինչու՞ է դպրոցի կառավարման խորհուրդը նախկին տնօրեն ներկայիս ժ/պ Աստղիկ Գալստյանի հայր Լևոն Գալստյանը ձևավորել իր բարեկամներից բաղկացած կազմով: 1. Ինչու՞ է դպրոցի ներկա ժ/պ Աստղիկ Գալստյանի հայր Լևոն Գալստյանը ոչ թե ընտրության միջոցով, այլ նշանակել է որպես կառավարման խորհրդի անդամ

ա) Հերմինե Մուրադյանին


բ) Վարդան Դավթյանին (Աստղիկ Գալստյանի ամուսնու եղբայրն է):


գ) Արթուր Հովհաննիսյանին՝ դպրոցի նախկին տնօրեն Լևոն Գալստյանի քրոջ որդին է, ներկա ժ/պ Աստղիկ Գալստյանի քեռին է: ինչպե՞ս կարող է Արթուր Հովհաննիսյանը լինել խորհրդի անդամ, երբ նա նույնիսկ առաջադրված չի եղել ծնողական կոմիտեի կազմում, որպես անդամ: Խնդրում եմ ուսումնասիրել այս փաստերը և անվստահություն հայտնել խորհրդի կազմին: Քանի որ այս խորհուրդը չի կարող արտահայտել դպրոցի իրական շահը ելնելով իրենց նեղ անձնական –բարեկամական-հհկ-ական դիրքորոշումներից:


Լ.Գրիգորյան Ք. Մարտունի Արցախի փ. տուն 23

Լրահոս

Ֆոտոռեպորտաժ

«Երևանյան գույներ»

Հարցումներ