Մամուլ - ՃՈ ծառայության աշխատակիցները դժգոհ են իրենց աշխատանքային պայմաններից

«Հրապարակ» թերթը գրում է. Ճանապարհային ոստիկանության ծառայության Վանաձորի ստորաբաժանման աշխատակիցները դժգոհ են իրենց աշխատանքային պայմաններից: Նրանք այնքան վրդովված են, որ նույնիսկ եկել-հասել են Երեւան՝ ոստիկանապետին իրենց բողոքը հայտնելու:

ՃՈ աշխատակիցները բողոքում են իրենց վիճակից: Նրանք իրենց բնակության վայրերից կիլոմետրեր հեռու են ծառայում, բայց ամեն օր գնում-գալիս են աշխատանքի, կաշառք չկա, աշխատավարձերն էլ չեն բավականացնում գնալ-գալու ճանապարհածախսին: Լավ մեքենաները ծանոթով են բաշխվում: Եթե ծանոթ չունես, հաճախ փչացող տրանսպորտային միջոցով ես աշխատանքի գնում: Նորոգելու համար գումար չկա:

 

«Հեղափոխությունից հետո միայն ասում են, որ իբրեւ բան է փոխվել: Է՛լ կաշառքներ, է՛լ հովանավորչություն, է՛լ ծառահատումներ՝ ամեն ինչը մնացել է նույնը»,- հայտնում է մեր աղբյուրը: Վալերի Օսիպյանը նրանց չի ընդունել, իր աշխատակազմից մեկին հանձնարարել է ընդունել վանաձորցիներին: Կիրակի օրն ընդունելությունը կայացել է: ՃՈ աշխատակիցներին խոստումներ են տվել, եւ նրանք որոշել են առայժմ սպասել:

Լրահոս

Ֆոտոռեպորտաժ

«Երևանյան գույներ»

Հարցումներ