Քաղաքական - ԱԳ նախարարի տեղակալը հանդիպել է ՄԱԿ-ի Մանկական հիմնադրամի տարածաշրջանային տնօրենի հետ

Սեպտեմբերի 26-ին արտաքին գործերի նախարարի տեղակալ Աշոտ Հովակիմյանն ընդունեց ՄԱԿ-ի Մանկական հիմնադրամի Կենտրոնական Ասիայի և Եվրոպայի հարցերով տարածաշրջանային տնօրեն և Եվրոպայում փախստականների և միգրանտների հարցերով հատուկ համակարգող Աֆշան Խանին և Հայաստանում ՄԱԿ-ի Մանկական հիմնադրամի ներկայացուցիչ Տանյա Ռադոչային:

 

Ողջունելով հյուրերին՝ արտգործնախարարի տեղակալը նշեց, որ Հայաստանի իշխանությունները բարձր են գնահատում ՄԱԿ-ի Մանկական հիմնադրամի դերը Հայաստանում երեխաների իրավունքների պաշտպանության, նրանց առողջության ու կյանքի պայմանների բարելավման խնդիրների լուծման գործում: ԱԳ փոխնախարարը Աֆշան Խանին ներկայացրեց Հայաստանում տեղի ունեցած վերջին քաղաքական զարգացումները, ՀՀ առաջնայնությունները, այդ թվում՝ մինչև 2030թ. կայուն զարգացման օրակարգի շրջանակում:

 

Զրույցի ընթացքում նախարարի տեղակալ Հովակիմյանն անդրադարձավ երեխաների համար նորարարական տեխնոլոգիաների հասանելիության հարցին և ներկայացրեց այս առումով Հայաստանի դրական փորձը: Աշոտ Հովակիմյանը խոսեց մարդու իրավունքների ոլորտում միջազգային պարտավորությունների իրականացումն ապահովելու նպատակով համակարգող մեխանիզմի հիմնման ուղղությամբ կատարվող աշխատանքների մասին:

 

ՅՈՒՆԻՍԵՖ-ի տարածաշրջանային տնօրենն իր գոհունակությունը հայտնեց երեխաների պաշտպանության ոլորտում Հայաստանի ձեռքբերումների առնչությամբ, ինչպես նաև ներկայացրեց հիմնադրամի նոր առաջնայնությունները:

Լրահոս

Ֆոտոռեպորտաժ

«Երևանյան գույներ»

Հարցումներ