Միջազգային - Իրանի ԱԳՆ-ը հետ է կանչել ԵՄ 3 երկրների դեսպաններին

Իրանի ԱԳՆ-ը հետ է կանչել Դանիայի, Նիդերլանդների դեսպաններին և Մեծ Բրիտանիայում ժամանակավոր հավատարմատարին: Այս մասին հայտնում է IRNA գործակալությունը՝ հղում անելով Իրանի ԱԳՆ պաշտոնական ներկայացուցիչ Բահրամ Ղասեմիին:

 

Թեհրանում կարծում են, որ այդ պետություններն իրենց տարածքում թաքցնում են երեկ Ահվազում զորահանդեսի ժամանակ տեղի ունեցած հարձակմանը մասնակից ահաբեկչական խմբավորումների անդամներին:

 

Ղասեմին նշել է, որ անընդունելի է այն, որ ԵՄ-ն նրանց չի ներառում սև ցուցակում, քանի դեռ նրանք հանցագործություն չեն իրականացրել եվրոպական տարածքում:

 

Դեսպաններին նախազգուշացվել է, որ ահաբեկիչները գտնվում են այդ երկրներում: Ղասեմին կոչ է արել անհապաղ ձերբակալել նրանց:

 

Ղասեմին հավելել է, որ ակնկալում է այդ երկրների կողմից ահաբեկչության վճռական դատապարտում:

 

Դիվանագետները խոստացել են տեղեկությունը փոխանցել իրենց կառավարություններին և աջակցել Իրանին հանցագործների որոնման գործում:

Լրահոս

Ֆոտոռեպորտաժ

«Երևանյան գույներ»

Հարցումներ