Միջազգային - Քոֆի Անանի մահվան կապակցությամբ ՄԱԿ-ն ամբողջ աշխարհում կիջեցնի դրոշները

ՄԱԿ-ի նախկին գլխավոր քարտուղար Քոֆի Անանի մահվան կապակցությամբ մինչև չորեքշաբթի կազմակերպության բոլոր առաքելություններում դրոշները կիջեցվեն: Այս մասին հայտնել է ՄԱԿ-ի գործող գլխավոր քարտուղարի պաշտոնական ներկայացուցիչ Ստեֆան Դյուժարիկը, հաղորդում է ՌԻԱ Նովոստին:

 

«Մինչև չորեքշաբթի ՄԱԿ-ի բոլոր առաքելություններում կազմակերպության դրոշները կիջեցվեն, մեր ներկայացուցչություններում նաև բաց կլինեն ցավակցությունների գրքերը»,- հայտնել է Դյուժարիկը:

 

Նա հավելել է, որ չորեքշաբթի առավոտյան Գլխավոր վեհաժողովի շենքի նախասրահում տեղի կունենա սգո արարողություն, որին կմասնակցի նաև ՄԱԿ-ի գլխավոր քարտուղար Անտոնիու Գուտերեշը:

«Նրա հետ միասին արարողությանը կմասնակցի ՄԱԿ-ում Գանայի (Անանի հայրենիքի) մշտական ներկայացուցիչը: Նրանք գրառում կթողնեն ցավակցությունների գրքում»,- հավելել է մամուլի ծառայության ղեկավարը:

Լրահոս

Ֆոտոռեպորտաժ

«Երևանյան գույներ»

Հարցումներ