Սպորտ - «Ռեալը» հայտարարեց Ռոնալդուի հեռանալու մասին

Մադրիդի «Ռեալը» պաշտոնապես հայտարարել է Կրիշտիանու Ռոնալդուի հեռանալու մասին։ Պորտուգալիայի հավաքականի առաջատարը կարիերան կշարունակի Թուրինի «Յուվենտուսում»։

«Ռոնալդուի խնդրանքին ի պատասխան՝ ակումբը համաձայնել է նրա տեղափոխությանը։ 

Ակումբը ցանկանում է շնորհակալություն հայտնել Ռոնալդուին, որը դարձավ լավագույնն աշխարհում եւ ակումբի ու համաշխարհային ֆուտբոլի ամենավառ երեւույթը։ Ռոնալդուն 9 տարում դարձավ ինքազոհության, աշխատասիրության, պատասխանատվության, տաղանդի եւ առաջընթացի օրինակ։

«Ռեալում» նա չորս անգամ արժանացավ «Ոսկե գնդակի», երեք անգամ՝ «Ոսկե խաղակոշիկի»։

Մեր ակումբը միշտ կլինի քո տունը»,- նշվում է «Ռեալի» պաշտոնական հայտարարությունում։

Ոչ պաշտոնական տվյալներով, Արքայական ակումբը 33-ամյա Ռոնալդուի տրանսֆերից կստանա 105 միլիոն եվրո։ Ֆուտբոլիստի աշխատավարձը կկազմի տարեկան 30 միլիոն եվրո։

Հիշեցնենք, որ Ռոնալդուն «Ռեալ» էր տեղափոխվել 2009 թվականին անգլիական «Մանչեսթեր Յունայթեդից» 94 միլիոն եվրոյով։

9 տարում Ռոնալդուն դարձավ Արքայական ակումբի պատմության մեջ լավագույն ռմբարկուն՝ 438 խաղում խփելով 451 գոլ։ Նա «Ռեալի» հետ նվաճել է 16 տիտղոս, այդ թվում Չեմպիոնների լիգայի չորս գավաթ՝ երեքն անընդմեջ։

Նեյմարը զրկվել է Բրազիլիայի հավաքականի ավագի թևկապից

Վնասվածքի պատճառով 3 չեմպիոն չի մասնակցի ԵԱ-ին

Հայաստանի երիտասարդական հավաքականը երկու հանդիպում կանցկացնի

Արթուր Դավթյանը ևս 3 ոսկե մեդալ է նվաճել «Դիտյատինի գավաթում» 

Արթուր Ալեքսանյանը նվաճեց ոսկե գավաթը

«Հենոյի շուրջ ստեղծված իրավիճակը նոր թափ է հավաքում. քիչ անց կտեղադրեմ սկանդալային փաստաթուղթ»․ Սամվել Ֆարմանյան

Հունաստան-Հայաստան հանդիպման տոմսերի արժեքն է 20 եվրո

Հայ մարմնամարզիկները կմասնակցեն Դիտյատինի Գավաթին

Հայ մարզիկը Մոսկվայում Գինեսի նոր ռեկորդ է սահմանել

Լրահոս

Ֆոտոռեպորտաժ

«Երևանյան գույներ»

Հարցումներ