Միջազգային - Երեւանն ու Բաքուն մրցում են իրանական արտադրության համար. Еurasianet

Իրանը մշտապես եղել է բավականին մարգինալ խաղացող Հարավային Կովկասում, սակայն Ադրբեջանն ու Հայաստանը մրցակցում են՝ երկրին տարածաշրջանային գործընթացների մեջ ներքաշելու համար: Այս մասին գրում է Еurasianet վերլուծական հարթակը:

Հոդվածի հեղինակ Բրեդլի Ջարդինը գրում է, որ Հայաստանը նոր հարաբերություններ է զարգացնում Իրանի հետ տնտեսական շրջափակումը շրջանցելու համար, սակայն մի փոքր դեպի արեւելք Ադրբեջանը ջանքեր է գործադրում է Երեւանի ծրագրերին խանգարելու համար:

Հեղինակն անդրադառնալով ՀՀ-ի՝ ԵԱՏՄ-ի եւ Իրանի միջեւ կապող օղակ լինելու դերին, ինչպես նաեւ Իրանի հետ Մեղրու ազատ տնտեսական գոտու ստեղծմանը՝ գրում է, որ կողմերի միջեւ առեւտրաշրջանառությունը փոխշահավետ է: «2017-ին երկկողմ առեւտրաշրջանառության ծավալը կազմել է $211,4 մլն: Իսլամական պետությունը երկար ժամանակ հետաքրքրված էր ընդլայնելու իր առեւտուրը ՌԴ-ի հետ ԵԱՏՄ-ի միջոցով»,-  գրում է հեղինակը:

Նյութի մեջ նշվում է, որ Իրան-Հայաստան երկաթգծի կառուցման նախագիծը, որի շուրջ կողմերը համաձայնության էին եկել 2009-ին, ձախողվել է Բաքվի «արգրեսիվ լոբբինգի» հետեւանքով: Փոխարենը, հունվարին գործարկվեց $500 մլն արժողությամբ 205 կմ-անոց Ռեշտ-Աստարա երկաթգիծը, որը «Հյուսիս-Հարավ» միջազգային տրանսպորտային միջանցքի մի հատվածն է:

«Բաքվին՝ ՀՀ-ի հետ պատերազմից ի վեր, անվտանգության ոլորտում անհանգստացնող հիմնական հարցերից է Նախիջեւանը, որի հետ կապը միայն օդային ճանապարհով է: Բաքուն է մտադիր է ընդլայնել վերջերս գործարկված նոր երկաթգիծը դեպի Նախիջեւան եւ իրանական Մաշադ քաղաք»,- գրում է հեղինակը՝ հավելելով, որ երկաթգիծն առավելություն է տալիս Իրանի հարցում՝ ՀՀ-ի հետ մրցակցելիս:

Լրահոս

Ֆոտոռեպորտաժ

«Երևանյան գույներ»

Հարցումներ