«Տեսակետ» մամուլի ակումբ - Բոլորին ստիպեցին պարել 3 րոպե՝ բացի վրացիներից.Գինոսյանը՝ վրացական կողմի անարդար հաղթանակի մասին

«Կարին»-ը վերադարձել է Իտալիայի Ագրիջենտո քաղաքից, որտեղ մարտի 3-11-ն անցկացված Mandorlo in Fiore 73-րդ փառատոնի շրջանակներում ներկայացրել է ՅՈՒՆԵՍԿՕ-ի Մարդկության ոչ նյութական մշակութային ժառանգության ցանկում ընդգրկված  «Սասնա ծռեր» էպոսը և «Քոչարի» ռազմապարը՝ գրավելով 3-րդ հորիզոնականը:

 

Առաջին տեղը բաժին է հասել Վրաստանին, երկրորդը՝ Արգենտինային:

 

«Աջարիայի պետական պարի խումբն էր ներկայացել մրցույթին, որը արդեն իսկ խախտում էր, որովհետև նման մրցույթներում ֆոլկ խմբեր են ելույթ ունենում, ոչ թե պետական: Նրանք միայն պարել են և չեն երգել: Ավելին՝ փակման արարողության ժամանակ բոլորին ստիպեցին ելույթները կրճատել ու դարձնել երեք րոպե, իսկ վրացական խումբը վերջում հանդես եկավ՝ պարելով յոթ րոպեից ավելի»,-լրագրողների հետ հանդիպման ժամանակ ասաց «Կարին» ավանդական երգի-պարի համույթի գեղարվեստական ղեկավար Գագիկ Գինոսյանը:

 

Նրա փոխանցմամբ՝ հայկական կողմը հայտնել է իր դժգոհությունը, կազմակերպիչները լսել ու ամեն ինչ ընդունել են:

 

«Կազմակերպիչները սկզբում ասել էին, որ ժյուրի կա, հետո պարզվեց՝ հաղթողները պետք է որոշվեն ժողովրդի քվեարկությամբ, որը փակ էր: Վրացիների ելույթն ամենաքիչն են դիտել, հետևաբար քիչ էլ քվեարկելու էին: Ամենաշատ դիտումներ ունեցել են Հայաստանի, Արգենտինայի, Կատալոնիայի թիմերը: Կատալոնիան, ի դեպ, ներկայացնում էին 270 հոգի: Մենք 25 հոգի էինք»,-նշեց «Կարին» ավանդական երգի-պարի համույթի գեղարվեստական ղեկավարը՝ հավելելով.

 

«Մեզ համար կարևոր են նման մրցույթները, ցավոք, խորհրդային ժամանակներից աշխարհին ծանոթ չենք մեր իրական մշակույթով: Գնացել ենք մրցույթի ու 5 միլիոնի չափ պարտք ունենք: 2 միլիոնի չափով Մշակույթի նախարարությունն է խոստացել աջակցել, մնացածն էլ պետք է պարելով հավաքենք ու վճարենք»:

 

Համույթի մյուս ներկայացուցիչները, ովքեր ներկա էին ասուլիսին, կարևորեցին Կառավարության կողմից աջակցությունը նման խմբերին:

 

«Թե չէ 4 երաժիշտ ունեինք.մեկը դուդուկ էր նվագում, հետո փոխում էր թևի տակ  պահած զուռնայով»,-նշեցին նրանք:

 

 

Անի Կարապետյան

Asekose.am

Հուլիսի 22-ին, ժամը 12.00 «Տեսակետ» մամուլի ակումբի հյուրն է Արևելագիտության ինստիտուտի տնօրեն Ռուբեն Սաֆրաստյանը: Թեման՝ «Վերջին զարգացումները Սիրիայում և նրա շուրջ, քրդական խնդիր, այս ամենի ազդեցությունը Հայաստանի վրա, հարակից հարցեր»։

Հուլիսի 19-ին, ժամը 12.00 «Տեսակետ» մամուլի ակումբի հյուրերն են Հայաստանի Քրդական ազգային խորհրդի նախագահ Կնյազ Հասանովը, «Քուրդիստան» կոմիտեի նախագահ Սլո Դրբոյանը և Հայաստանի քուրդ կանանց խորհրդի անդամ Լիանա Մհոյանը: Թեման՝ «1. Թուրքական պետության հարձակումներն ու ռմբակոծություններն Իրաքյան Քուրդիստանի բնակչության շրջանում: Զոհվում են անմեղ բնակիչներ: Թուրքական պետությունը քրդերի նկատմամբ ցեղասպանություն է իրականացնում: 2. Քրդական համայնքի վիճակը Հայաստանում»։

 

Ժամը 13.00 հյուրերն են Արմավիր քաղաքի Անդրանիկ Օզանյանի անվան թիվ 5 հիմնական դպրոցի ծնողկոմիտեի նախագահ Հայաստան Հակոբյանը, ծնողկոմիտեի նախագահներ Քնքուշ Սերոբյանը և Էվելինա Բաբայանը: Թեման՝ «Արմավիրցիները փորձում են պաշտպանել մարզպետի կողմից ցույցի կազմակերպիչ որակված՝ դպրոցի ծնողկոմիտեի նախագահին (որին պատրաստվում են պատասխանատվության ենթարկել), և բացառել մարզպետի ուղղորդումը տնօրենի առաջիկա ընտրություններին»:

 

Հուլիսի 18-ին, ժամը 12.00 «Տեսակետ» մամուլի ակումբի հյուրերն են Հայաստանում ֆրանսիական համալսարանի շրջանավարտները: Թեման՝ «Հայաստանում ֆրանսիական համալսարանը 2011 թվականից ապօրինի է տրամադրում հայկական պետական դիպլոմները, քանի որ չունի պետական հավատարմագրում։ Բացի այդ՝ համալսարանը իր շրջանավարտներին չի տրամադրում օրենքով սահմանված հայկական դիպլոմի ներդիրը (հավելվածը) և յուրաքանչյուր տարի ընդունում է ՀՀ օրենսդրությանը և միջազգային պայմանագրերին հակասող ներքին կարգ»։

 

Լրահոս

Ֆոտոռեպորտաժ

«Երևանյան գույներ»

Հարցումներ