Տարածաշրջան - Շրջանցիկ ավտոճանապարհը` ադրբեջանական հենակետերի գնդակոծության տակ. Տավուշի սահմանամերձ գյուղերի բնակիչներն անելանելի վիճակում են. armlur.am

Իջևան-Բերդ հանրապետական նշանակության ավտոճանապարհի Վազաշեն-Պառավաքար հատվածում շրջանցիկ ճանապարհի շինարարությունը սկսվեց 2013 թվականին: Շինարարության մրցույթը շահեց «Իջևանի ճՇՇ» ՓԲԸ-ն: 2014թ. սեպտեմբերին փոխվեց ճանապարհի կառուցապատողը, գործը տրվեց Երևանի «Խաչհար» ՍՊԸ-ին: Վազաշեն-Պառավաքար 3.2 կմ երկարությամբ, 6-7 մետր լայնությամբ շրջանցիկ ավտոճանապարհի շինարարությունը նախատեսված էր ավարտվել 2014թ. հունիսին, սակայն այն գործարկվեց նախատեսվածից մեկ տարի ուշ` 2015թ. հուլիսին: Այդ նպատակով պետական բյուջեից ի սկզբանե նախատեսված էր 535 միլիոն դրամ, 2014թ. սեպտեմբերին այդ նպատակով պետբյուջեից լրացուցիչ հատկացվեց 55 միլիոն դրամ:

 

Շրջանցիկ ճանապարհը կոչված էր ապահովելու սահմանամերձ հատվածում երթևեկի անվտանգությունը դիմացի բարձունքներում գտնվող ադրբեջանական հենակետերից արձակվող կրակոցներից: Ճանապարհամերձ մի հատվածում, որը տեսանելի է ադրբեջանական դիրքերից, կառուցվել է երթևեկն ադրբեջանական գնդակոծությունից պաշտպանող 150 մ երկարությամբ և 5.5 մ լայնությամբ պատ: Այդ ճանապարհը 6 ոլորան ունի, ոլորաններում վարորդների տեսադաշտը նեղ է:

Շրջանցիկ ճանապարհի կառուցումից հետո սողանքից ասֆալտի ծածկում ճեղքեր առաջացան, որի պատճառով քանդվեց շրջանցիկ ավտոճանապարհի մի հատված: Սողանքից քանդված ճանապարհի տակ, հողի շերտի մեջ երևում էին ծառի բներ, մինչդեռ անթույլատրելի է կառուցված ճանապարհի մեջ ծառերի առկայությունը: 2017թ. «Տավուշի ճանապարհների շահագործման և շինարարական» ՓԲԸ-ն կատարեց 2 տարի առաջ գործարկված շրջանցիկ ավտոճանապարհի սողանքից քանդված հատվածի նորոգումը:

Բանվորները քանդված հատվածի ներքևի մասում խճաքարերից գաբիոններ սարքեցին, պետական բյուջեից ճանապարհի նորոգման համար հատկացվեց 24 միլիոն դրամ: Ներկայումս վարորդները խուսափում են Վազաշեն-Պառավաքար շրջանցիկ, ոլորապտույտ այդ ճանապարհից, գերադասում են երթևեկել սահմանամերձ տարածքով ձգվող հիմնական, ավելի վտանգավոր ճանապարհով: Բյուջեից ավելի քան 600 միլիոն դրամով կառուցված շրջանցիկ ճանապարհով սակավաթիվ երթևեկողներ կան:

Հիմնական ճանապարհը թեև սահմանի եզրով է ձգվում, սակայն այնտեղ վարորդների համար բավարար տեսադաշտ կա: Շրջանցիկ ավտոճանապարհը լիովին չի ապահովում այդ ճանապարհով երթևեկողների անվտանգությունը դեմ-դիմաց գտնվող ադրբեջանական հենակետերի գնդակոծություններից: Հարկ էր հիմնական ավտոճանապարհի առավել վտանգավոր հատվածում անվտանգության պատ կառուցել, և սահմանագոտու այդ հատվածում երթևեկության անվտանգության խնդիրը լուծված կլիներ:

armlur.am

Բանակցություններն ընթանում են Հայաստանի առաջարկած տարբերակով. ադրբեջանագետ

Թուրքիայի բանակը ռազմական օպերացիա է սկսել Իրաքի հյուսիսում (տեսանյութ) 

Ադրբեջանն ու Պակիստանը ուղիղ ավիացիոն կապ կհաստատեն

Թուրքիայի օդուժը հրթիռակոծել է Հյուսիսային Իրաքը

Վրաստանում դատարանը պարտավորեցրել է Սաակաշվիլուն $77 հազ. վճարել ծեծված պատգամավորին

Թուրքիայի պաշտպանության նախարարը մեկնել է Վրաստան

Սիրիայում թուրք զինվոր է մահացել

Վրաստանը Ռուսաստանից 144 մլն խմ գազ կգնի

Նոր զարգացումներ Դավիթ Գարեջիի վանական համալիրի շուրջ. Ադրբեջանը վերսկսել է աշխատանքները

Լրահոս

Ֆոտոռեպորտաժ

«Երևանյան գույներ»

Հարցումներ