«Տեսակետ» մամուլի ակումբ - «Ամեն անգամ մարտի դաշտ դուրս գալուց առաջ ինձ կարգի էի բերում, շպարվում». գնդապետ Սերոբյան

«Հայբուսակ» համալսարանի ռեկտոր Անահիտ Հարությունյանի դիտարկմամբ, այն, որ մարտի 8-ը՝ որպես կանանց միջազգային օր, ստեղծվել է կանանց կողմից՝ իրենց պայքարի շնորհիվ, ցույց է տալիս, որ կինը միշտ պայքարել է իր իրավունքների, հանրության մեջ իր դերը պահպանելու համար:

 

«100 տարի անց մենք էլի պայքարելու տեղ ունենք: Այսօր Հայաստանում աշխատավոր, ստեղծագործող կինը շատ դժվար գործ է անում, որովհետև այսօր հանգստի օր է, ստանում ենք շնորհավորանքներ, իսկ վաղը վերադառնալու ենք դարձյալ մեր առօրյա հոգսերին…Այսօր հայ աշխատավոր կինը մի քանի գործառույթ իրականացնող է միաժամանակ, և՛ տան օջախի պահապան, և՛ տան հաց վաստակող ամուսնուն հավասար, և՛ մայր, կրթող իր երեխաներին: Եվ այսօրվա հայ կինը պետք է այդ ամենի հետ լինի նաև հոգեբան, որպեսզի կարողանա ճիշտ ու դրական շփման եզրեր գտնել և՛ ամուսնու, և՛ երեխաների, և՛ ընտանիքի այլ անդամների հետ: Ցանկացած կին պետք է լինի ուսուցչուհի և ընկեր միաժամանակ»,- այսօր Տեսակետ ակումբում ասաց Անահիտ Հարությունյանը:

 

«Կին ազատամարտիկների միության» նախագահ, գնդապետ Աիդա Սերոբյանն էլ մտաբերեց, որ ամեն անգամ մարտի դաշտ դուրս գալուց առաջ իրեն կարգի էր բերում՝ շպարվում. «Որ եթե թշնամու գնդակը ինձ խոցի, գեղեցիկ լինեմ մահվան ճիրանում… մաղթում եմ, որ ոչ մի մայր իր զավակի կորուստը չտեսնի, որ հայ երկինքը խաղաղ լինի, որ յուրաքանչյուր զինվոր անխոչընդոտ ծառայի և գա հասնի իր ծնողներին, ողջ ու առողջ»:

 

Արփինե ՍԻՄՈՆՅԱՆ

Aravot.am

Հուլիսի 18-ին, ժամը 12.00 «Տեսակետ» մամուլի ակումբի հյուրերն են Հայաստանում ֆրանսիական համալսարանի շրջանավարտները: Թեման՝ «Հայաստանում ֆրանսիական համալսարանը 2011 թվականից ապօրինի է տրամադրում հայկական պետական դիպլոմները, քանի որ չունի պետական հավատարմագրում։ Բացի այդ՝ համալսարանը իր շրջանավարտներին չի տրամադրում օրենքով սահմանված հայկական դիպլոմի ներդիրը (հավելվածը) և յուրաքանչյուր տարի ընդունում է ՀՀ օրենսդրությանը և միջազգային պայմանագրերին հակասող ներքին կարգ»։

 

Հուլիսի 17-ին, ժամը 12.00 «Տեսակետ» մամուլի ակումբի հյուրերն են Էկոնոմիկայի նախարարության Բուսաբուծության և բույսերի պաշտպանության վարչության պետ Ռուդիկ Նազարյանը, միևնույն նախարարության Ագրովերամշակման և զարգացման վարչության պետ Գևորգ Ղազարյանը և ՍԱՊԾ Բուսասանիտարիայի տեսչության պետ Արթուր Նիկոյանը: Թեման՝ «Ի՞նչ նյութեր են օգտագործվում պտուղ-բանջարեղենի աճեցման գործում, որքանո՞վ են դրանք անվտանգ: Տեղական լոլիկի և վարունգի արտադրության խթանումը և արտահանման հնարավորությունները: Ներմուծված գյուղմթերք: Ինչպեՙ՚ս է վերահսկվում գյուղմթերքի շուկան: Հարակից հարցեր»:

Հուլիսի 15-ին, ժամը 11.00 «Տեսակետ» մամուլի ակումբի հյուրն է Նարկոլոգիական հանրապետական կենտրոնի տնօրեն Պետրոս Սեմերջյանը: Թեման՝ «Նարկոլոգիական իրավիճակը ՀՀ-ում՝ առողջապահական տեսանկյունից: Աճե՞լ, թե՞ նվազել է կենտրոնում հաշվառված հիվանդների թիվը, փոխվե՞լ է արդյոք տարիքային նվազագույն շեմը: Հնարավո՞ր է լիակատար բուժում, թե՞ ոչ: Մեր երկրի վիճակը թմրամոլների քանակի առումով՝ համեմատած տարածաշրջանի մյուս երկրների հետ: Վիճակագրական տվյալներ, թեմային առնչվող այլ հարցեր»:

 

Ժամը 12.00 հյուրն է ՀՀ ԳԱԱ Ֆիզիկական հետազոտությունների ինստիտուտի տնօրեն, ֆիզմաթ գիտ. դոկտոր, պրոֆեսոր, ՀՀ ԳԱԱ թղթակից անդամ Արամ Պապոյանը: Թեման՝ «Օպտիկայի պաշտպան» միջազգային հեղինակավոր կոչում-մրցանակին այս տարի արժանացել է Հայաստանը՝ աշխարհում օպտիկայի և ֆոտոնիկայի զարգացմանը նպաստելու համար: Ինչ են տալիս մեզ նման մրցանակները, ո՞ր ասպարեզներում են կիրառվում օպտիկան և ֆոտոնիկան: Հայաստանը՝ ոլորտում առաջատար երկիր: Միջազգային համագործակցություն և ծրագրեր, հարակից հարցեր»:

 

Լրահոս

Ֆոտոռեպորտաժ

«Երևանյան գույներ»

Հարցումներ