«Տեսակետ» մամուլի ակումբ - Պահանջում են մակնշում կատարել իրերի վրա.Հայ ոսկերիչները դժգոհ են ԵՏՄ որոշումից

Հայաստանի ոսկերիչները մի շարք խնդիրներ ունեն, դրանք կապված են նաև ԵԱՏՄ-ի հետ.

 

«Շուկան շատ ծանր է դարձել՝ կապված ռուսական շուկայի դժվարությունների հետ: Մենք միշտ առաջ ենք քաշել մեկ պայման, որն է՝ այս առևտրական դաշտում հարգերը ընդունվեն ԵՏՄ անդամ 5 պետությունների կողմից: Ցավոք, 4-րդ տարին է՝ այս հարցը չի լուծվում: Մեկ խնդիր էլ կա՝ կապված մակնշման հետ: Պահանջում են մակնշում կատարել իրերի վրա: Շատ լուրջ հարց է: Հիմնականում կատարվում է իրերի ոչ իրավական հոսքերը կանգնեցնելու համար: Այս գործընթացը սկսել է կանանց հագուստից՝ հատկապես մուշտակներից: Կարողանում են արտադրված մուշտակը արտադրանքի տեղից մինչև վաճառքը հետևել, հսկել: Սա ոսկերչության մեջ դժվարանում եմ պատկերացնել: Ի տարբերություն մուշտակի՝ ոսկերչական իրեր շատերը կարող են ունենալ: Ո՞նց պետք է հսկեն դրանք»,-լրագրողների հետ հանդիպման ժամանակ ասաց «Երևանի ոսկերչական գործարան-1 Գնոմոնի» ղեկավար Էմիլ Գրիգորյանը:

 

Բանախոսի փոխանցմամբ՝ մակնշման հարցը դեռ քննարկման փուլում է, կես տարի փորձարկում կլինի, հետո կպարտադրեն:

 

Ինչ վերաբերում է հարևան երկրների հետ համագործակցությանը՝ նա նշեց, որ Վրաստանում գրեթե վաճառք չկա, Իրանում էլ մեզ ընդունում են, բայց դժվարություններ կան օրենսդրական դաշտում:

 

Մանրամասները՝ տեսանյութում:

 

 

Asekose.am

Հոկտեմբերի 11-ին, ժամը 13.00 «Տեսակետ» մամուլի ակումբի հյուրն է ԵՊՀ Միջազգային հարաբերությունների և դիվանագիտության ամբիոնի վարիչ, քրդագետ Վահրամ Պետրոսյանը: Թեման՝ «Թուրքիան ռազմական գործողություններ է ծավալել Սիրիայի հյուսիսում. աշխարհաքաղաքական նշանակությունը, ազդեցությունը հարակից երկրների վրա: Հայկական համայնք: Իրադարձությունների հնարավոր զարգացումները»:   

Լրահոս

Ֆոտոռեպորտաժ

«Երևանյան գույներ»

Հարցումներ