Ժամանց և շոու բիզնես - «Համակրելի սուտասանները» սերիալի աստղի տունը թալանել են՝ գողանալով բոլոր զարդերը

Գողերի թիրախում է հայտնվել հերթական աստղը։ Վերջերս աստղերը հաճախ են կողոպուտի ենթարկվում. դեկտեմբերի վերջին հանցագործները կողոպտել են հանրահայտ ամերիկացի դերասանուհի Քայլ Ռիչարդսի տունը («Տափաստանների փոքրիկ տնակը», «Շտապ օգնություն», «Բեւերլի Հիլզի իսկական տնային տնտեսուհիները»)՝ իրենց հետ տանելով մեկ միլիոն դոլարի զարդեր։

 

Ամերիկյան սերիալների («Բաֆֆի», «Միայնակ սրտեր», «Զոի Հարթը՝ հարավային նահանգից», «Տելեպորտը») աստղ Ռեյչել Բիլսոնին նույնպես կողոպտել են։ Մինչ 36-ամյա դերասանուհին իր դստեր՝ Բրայան Ռոուզի հետ դրսում էր՝ գողերը ներխուժել էին նրանց՝ Փասադենայում գտնվող տուն: Դերասանուհին ընդամենը չորս ժամ էր բացակայել տնից, այդ ընթացքում գողերը մտել էին նրա տուն պատուհանից ու հասցրել գողանալ 50 000 դոլար արժողության զարդեր։

Նույն ձեռագրով է թալանվել նաև «Համակրելի սուտասանները» հանրահայտ սերիալի աստղ Լյուսի Հեյլի տունը Սան Ֆերնանդոյում։

28-ամյա դերասանուհին այդ ժամանակ տանը չի եղել։ Գողերը կոտրել են պատուհանը, մտել տուն ու գողացել թանկարժեք իրեր, որոնք այս պահին 15 000 դոլար են գնահատվում, բայց այդ թիվը կարող է փոխվել հետաքննության ընթացքում, քանի որ դեռ  պարզ չէ, թե ինչ քանակության զարդեր են գողացվել։

TMZ-ի փոխանցմամբ՝ ոստիկանությունը հայտնել է, որ ազդանշանային համակարգը միացված է եղել, բայց չի աշխատել։ Ոստիկանները վստահ են, որ գողերը, որոնք արդեն մեկ տարի է՝ տներ են թալանում այդ թաղամասում, պրոֆեսիոնալներ են։ Սակայն ոստիկանությունը նաև հավաստիացնում է, որ հանցագործները ոչ թե աստղերի տները թալանելու նպատակ ունեն, այլ պարզապես նրանց ուշադրությունը գրավում են գեղեցիկ տները։

 

Նյութի աղբյուր՝ style.news.am

Լրահոս

Ֆոտոռեպորտաժ

«Երևանյան գույներ»

Հարցումներ