«Տեսակետ» մամուլի ակումբ - Ադրբեջանն ամեն ինչ անում է, որ Արցախը բանակցային սեղանի շուրջ չնստի. Լարիսա Ալավերդյան

 

Այսօր  «Տեսակետ» մամուլի ակումբում հյուրընկալվել էր  «Ընդդեմ իրավական կամայականության» ՀԿ ղեկավար Լարիսա Ալավերդյանը: 

Վերջինս շեշտեց` մենք պետք է հստակեցնենք` այժմ չկան բանակցություններ արցախյան հարցի շուրջ. ցավոք, երբեմն մեր մամուլում  հնդիպումները նույնացնում են բանակցությունների հետ, բայց իրականում դրանք լրիվ տարբեր բաներ են: Ադրբեջանն ամեն ինչ անում է, որ Արցախը բանակցային սեղանի շուրջ չնստի:

 «Ադրբեջանը հասավ նրան, որ հանդիպումներ է իրականացնում միայն ՀՀ-ի հետ: Դա նշանկում է` Ադրբեջանը ցույց է տալիս` ինքը բանակցային կողմ է ճնաչում միայն ՀՀ-ին: Բայց ժողովուրդների ինքնորոշման իրավունք գոյություն ունի. Ալիևը այս ամենն ուզում է իր ագրեսիայով փոխարինել: Ալիևը ընտրել է այս ճանապարհը:

Հայաստանը ստիպված է կամ ինքն է որոշում ընդունել եռանախագահների հրավերը, գնում է այդ հանդիպումներին: Կապ չունի, թե ՀՀ-ն ինչ հայտարարություններ է անում այս հանդիպումներից հետո. փաստն այն է, որ Ադրբեջանը շարունակում է այդ ճանապարհով ընթանալ: Ես ամեն ագամ վախենում եմ այդ հանդիպումների մասին լսելիս: Ադրբեջանցիների մոտ դա մշակույթ է. հանդիպումներից առաջ կամ հետո մենք զոհեր ենք ունենում. հայ   տղաներ են զոհվում: Դա ադրբեջանի ձեռագիրն է», -  նշեց Լարիսա  Ալավերդյանը:

 

Վերջինս հիշեցրեց` Ադրբեջանը  չի հրաժարվել իր կարգախոսներից` այն  է` ՀՀ-ն հարձակվել է իրենց տարածքների վրա, և ուրեմն, ագրեսոր է:

«Ադրբեջանը նշում է, որ Արցախը իր պետության անքակտելի   մասն  է: Ադրբեջանը հավակնություններ ունի այսօրվա  Հայաստանի տարածքների հանդեպ:   Մենք այս հանդիպումների շարքի հետ հույսեր չպիտի կապենք», - նշեց Լարիսա Ալավերդյանը:

Օգոստոսի 24-ին, ժամը 12.00 Արշակունյաց 16 Ա շենք, բն. 3 հասցեում (1-ին մուտք, 2-րդ հարկ) «Տեսակետ» մամուլի ակումբը կազմակերպում է արտագնա ասուլիս: Բանախոսը՝ փաստաբան Արման Թամրազյան: Թեման՝ «Նոր բացահայտումներ, նոր տեսագրություններ և նոր մեղադրանքներ՝ 2018 թ. հուլիսի 8-ին` Վարդավառի տոնի օրը, Կոտայքի մարզի Կոտայք գյուղում տեղի ունեցած միջադեպի կապակցությամբ Կարեն Գասպարյանի վերաբերյալ հարուցված քրեական գործի հետ կապված, որտեղ ակնհայտ կերպով խախտվել են Գասպարյանի իրավունքները, և վարույթն իրականացնող մարմինը կայացրել է ապօրինի որոշումներ»: Ասուլիսին ներկա կլինի նաև Կարեն Գասպարյանը:

 

Լրացուցիչ տեղեկությունների համար կարող եք զանգահարել հետևյալ հեռախոսահամարով՝ 093 23-44-29

Օգոստոսի 22-ին, ժամը 12.00 «Տեսակետ» մամուլի ակումբը Ե. Չարենցի անվան գրականության և արվեստի թանգարանում (Արամի 1) կազմակերպում է արտագնա ասուլիս: Բանախոսներն են ՀՀ վաստակավոր արտիստ, «Գութան» փառատոնի հիմնադիր Արսեն Գրիգորյանը, «Ակունք» ազգագրական համույթի հիմնադիրներից Սարգիս Բաղդասարյանը, «Նուբար» ավանդական երգի-պարի խմբի հիմնադիր ղեկավար Լուսինե Նազարյանը, «Սասնա ծռեր» ավանդական երգի-պարի խմբի հիմնադիր ղեկավար Հովհաննես Մկրտչյանը, «Արեգ» ավանդական երգի-պարի խմբի հիմնադիր ղեկավար Արտավազդ Այվազյանը և «Սեբաստացիներ» ավանդական երգի-պարի խմբի հիմնադիր ղեկավար Հայարփի Անանյանը: Թեման՝ «Օգոստոսի 23-ին արդեն 6-րդ անգամ կանցկացվի «Գութան» Հայաստանի երգի-պարի ամենամյա փառատոնը, որն այս անգամ նվիրված է Կոմիտասի 150-ամյակին: Որո՞նք են այս տարվա փառատոնի առանձնահատկությունները, ի՞նչ նպատակ ունի այն, ովքե՞ր են մասնակցում և այլն: Փառատոնի ընթացքում կներկայացվեն Կոմիտասին նվիրված 5 կարճամետրաժ ֆիլմեր»:

Օգոստոսի 20-ին, ժամը 11.00 «Տեսակետ» մամուլի ակումբի հյուրն է փաստաբան Արման Թամրազյանը: Թեման՝ «2018 թ. հուլիսի 8-ին` Վարդավառի տոնի օրը, Կոտայքի մարզի Կոտայք գյուղում տեղի ունեցած միջադեպի կապակցությամբ Կարեն Գասպարյանի վերաբերյալ հարուցված քրեական գործով` Կ. Գասպարյանի խախտված իրավունքների և վարույթն իրականացնող մարմնի ակնհայտ ապօրինի որոշումների մասին»: Ասուլիսի ընթացքում կցուցադրվեն թեմային առնչվող տեսագրություններ:

Լրահոս

Ֆոտոռեպորտաժ

«Երևանյան գույներ»

Հարցումներ