Սպորտ - Հուլիսի 30-ին տեղի կունենա «Դրիֆտ-շոու ժամանակի հաղթահարում» ավտոմիջոցառումը

Հուլիսի 30-ին՝ ժամը 10-ին, Աբովյան պուրակում տեղի կունենա «Դրիֆտ-շոու ժամանակի հաղթահարում» բացառիկ ավտոմիջոցառումը։ Շոուին կմասնակցեն դրիֆտի վարպետներ ամերիկահայ աշխարհահռչակ Կրիս Կրեգորյանը, լիբանանահայ Գարո Հարությունյանը, ինչպես նաև 12 հայաստանյան ավտոմարզիկներ։ Միջոցառումը կազմակերպել է Հայաստանի Ավտոմոբիլային Ֆեդերացիան և STR մարզական հասարակական կազմակերպությունը: Միջոցառման ընթացքում կլինի նաև Ֆորմուլա-ալֆա։ Տեղեկացնենք՝ միջոցառման օրը Աբովյան պուրակ տանող բոլոր փողոցները փակ կլինեն` ժամը 10:00-15:00-ը։ Մուտքն ազատ է լրագրողների և ավտոսպորտի սիրահարների համար։

 

Մեր թղթակցի հետ զրույցում Հայաստանի ավտոմոբիլային ֆեդերացիայի նախագահ Գագիկ Աղաջանյանը նշեց՝ միջոցառման ընթացքում ավտոսպորտի սիրահարները կարող են սպասել անակնկալների․ այն, իսկապես, աննախադեպ է լինելու։

 

‹‹Նախ, ինչպես հայտնի է, Հայաստանի փողոցներով երբեք Ֆորմուլա չի երթևեկել, բացի այդ՝ Հայաստանում առաջին անգամ ավտոսպորտի սիրահարները հնարավորություն կունենան տեսնելու այսպիսի դրիֆտ-շոու․ ամերիկահայ աշխարհահռչակ Կրիս Կրեգորյանը, լիբանանահայ Գարո Հարությունյանը, իսկապես, դրիֆտի բացառիկ վարպետներ են։ Այս ավտոմիջոցառման անցկացման համար մասնագիտական կազմը ուշի-ուշով ուսումնասիրել է յուրաքանչյուր դետալ, որպեսզի միջոցառումն անցկացվի բոլոր չափանիշների պահանջներին համաձայն։ Անվտագության բոլոր տեսակի միջոցառումները լինելու են հավուր պատշաճի։ Մեզ աջակցելու համար շնորհակալություն ենք հայտնում ԱԻՆ-ին, ոստիկանությանը։ 

 

Միջոցառման անցկացման հովանավորներն են ‹‹Ապավեն›› միջազգային բեռնափոխադրող ընկերությունը և ‹‹Ինեկոբանկը››։ Իսկ մեր սփյուռքահայ մարզիկներին՝ Կրիս Կրեգորյանին և լիբանանահայ Գարո Հարությունյանին հովանավորել է ‹‹Harout's BMW›› կազմակերպությունը։ Այս երկու մարզիկների ավտոմեքենաները և անհրաժեշտ պահեստամասերը, անիվները մինչև Կովկաս, մասնավորապես՝ Փոթի նավահանգիստ հասել է հենց ‹‹Harout's BMW›› կազմակերպության ջանքերով, իսկ դրանից հետո բոլոր ծախսերը հոգացել  են ‹‹Ապավեն›› միջազգային բեռնափոխադրող ընկերությունը և ‹‹Ինեկոբանկը››։ Մեզ աջակցելու համար շնորհակալություն ենք հայտնում նաև Մասիսի քաղաքապետարանին մեզ խոտի խորանարդիկներ է տրամադրելու համար, որոնցով մասնագետները պատնեշներ են պատրաստել, ինչը կարևոր դետալ է մրցաշարի անցկացման համար››, - նշեց Գագիկ Աղաջանյանը։

 

Ավտոսպորտի սիրահարներին տեղեկացնենք նաև միջոցառման ընթացքի վերաբերյալ․ նախ հատուկ մասնագետը մեքենայով անցնում է ճանապարհով, համոզվում է, որ ճանապարհի հետ կապված խնդիրներ չկան․ նա միջոցառան ղեկավարին զեկուցում է այդ մասին և ասում, որ կարելի է սկսել միջոցառումը, այնուհետև մրցավարները միմյանց զեկուցում են և դարձյալ համոզվում, որ ամեն ինչ կարգին է։ Իսկ հետո ավտոսպորտի սիրահարները հնարավորություն կունենան տեսնել ֆորմուլան։ Դրանից հետո մեկնարկում է միջոցառումը այս ուղղությամբ՝ Հերացու փողոցից դեպի Աբովյանի պուրակ, Սարալանջի փողոցի վերջնամասից դեպի Տերյան փողոց, նորից Աբովյանի պուրակ և վերադարձ Աբովյան փողոց։

 

Մանրամասները՝ տեսանյութում։

 

 

 

 

 

Նեյմարը զրկվել է Բրազիլիայի հավաքականի ավագի թևկապից

Վնասվածքի պատճառով 3 չեմպիոն չի մասնակցի ԵԱ-ին

Հայաստանի երիտասարդական հավաքականը երկու հանդիպում կանցկացնի

Արթուր Դավթյանը ևս 3 ոսկե մեդալ է նվաճել «Դիտյատինի գավաթում» 

Լրահոս

Ֆոտոռեպորտաժ

«Երևանյան գույներ»

Հարցումներ