Սպորտ - «Երևանյան ամառ 2017». Աջափնյակի հանդբոլի թիմը հաղթել է Երևանի քաղաքապետի փոխանցիկ գավաթի մրցաշարում

«Երևանյան ամառ 2017» եռամսյա միջոցառումների ծրագրով Երևանի քաղաքապետի փոխանցիկ գավաթի 2017թ. համաքաղաքային բակային մրցաշարում հաղթողի կոչման համար պայքարի էին դուրս եկել մայրաքաղաքի վարչական շրջանների հանդբոլի թիմերը:

 

«Երևանի սրընթաց գնդակ» կոչվող հանդբոլի մրցաշարի եզրափակիչ խաղում հանդիպել են Աջափնյակ և Էրեբունի վարչական շրջանների պատանեկան թիմերը: Շոշափելի առավելությամբ հաղթանակ են տարել և մրցաշարի հաղթող ճանաչվել աջափնյակցի հանդբոլիստները: 3-րդ տեղի համար Նոր Նորքը և Մալաթիա-Սեբաստիան ներկայացնող թիմերի դիմակայությունում ավելի ուժեղ են գտնվել նորնորքեցի պատանի հանդբոլիստները:

 

Առաջին եռյակը զբաղեցրած թիմերը պարգևատրվել են մեդալներով ու պատվոգրերով: Հաղթող թիմին պարգևատրել է Երևանի քաղաքապետի խորհրդական Գոռ Վարդանյանը, իսկ երկրորդ և երրորդ տեղերը զբաղեցրած թիմերին՝ Երևանի քաղաքապետարանի աշխատակազմի սպորտի բաժնի պետ Յուրի Մամիկոնյանն ու Երևանի սպորտկոմիտեի տնօրեն Հրանտ Ենոքյանը: Խրախուսվել են նաև խաղային դիրքերում իրենց լավագույն կողմերով դրսևորած պատանիները:

 

Հիշեցնենք, որ Երևանի քաղաքապետարանի «Առողջ սերունդ` պաշտպանված հայրենիք» խորագրով համաքաղաքային բակային մրցաշարի 8 մարզաձևերում թիմային ընդհանուր հաշվարկով հաղթած վարչական շրջանը կպարգևատրվի Երևանի քաղաքապետի փոխանցիկ գավաթով:

Նեյմարը զրկվել է Բրազիլիայի հավաքականի ավագի թևկապից

Վնասվածքի պատճառով 3 չեմպիոն չի մասնակցի ԵԱ-ին

Հայաստանի երիտասարդական հավաքականը երկու հանդիպում կանցկացնի

Արթուր Դավթյանը ևս 3 ոսկե մեդալ է նվաճել «Դիտյատինի գավաթում» 

Լրահոս

Ֆոտոռեպորտաժ

«Երևանյան գույներ»

Հարցումներ