Մամուլ - Ըստ հաղորդման` պաշտոնատար անձը չարաշահել է իր պաշտոնեական դիրքը. armtimes.com

ՀՀ հատուկ քննչական ծառայությունում քրեական գործ է հարուցվել պետական հատուկ ծառայություն իրականացնող անձի կողմից պաշտոնեական դիրքը չարաշահելու դեպքի առթիվ:

 

Այսպես, ՀՀ ՔԿ Կենտրոն եւ Նորք-Մարաշ վարչական շրջանների քննչական բաժնում քննվող քրեական գործով մեղադրյալ Ք. Թ.-ն Հատուկ քննչական ծառայությունում հաղորդում է տվել, որ 20.01.2017թ.-ին պարտք ու պահանջի հարցերի շուրջ իր հետ վիճաբանող կինը խլել է իր պայուսակը:

 

Նյութերի նախապատրաստման ընթացքում` նույն օրը, Ք. Թ.-ն ոստիկանության Կենտրոնականի բաժնում բացատրություն է տվել դեպքի հանգամանքների վերաբերյալ` հայտնելով նաեւ պայուսակում 1.960.000 ՀՀ դրամ գումարի առկայության մասին: Սակայն ոստիկանության հիշյալ բաժնի աշխատակիցը նրան հորդորել է նոր բացատրություն տալ` դրանում չնշելով գումարի առկայության մասին: Ոստիկանը սպառնացել է հակառակ դեպքում Ք. Թ.-ին քրեական պատասխանատվության ենթարկել, եթե նշված գումարի առկայությունը վերջինս չկարողանա ապացուցել:

 

Ք. Թ.-ն երկրորդ անգամ է բացատրություն տվել` առանց գումարի մասին նշելու: Հետագայում պարզել է, որ իր սկզբնական բացատրությունը գործի նյութերին չի կցվել:

 

Այսպիսով, պաշտոնատար անձի կողմից պաշտոնեական դիրքը չարաշահելու դեպքի առթիվ հարուցվել է քրեական գործ ՀՀ քրեական օրենսգրքի 308-րդ հոդվածի 1-ին մասով:

 

Կատարվում է նախաքննություն:

 

 

Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Առաջին անգամ առանց Արցախի. Ինչո՞ւ երեկ ոչ մի պաշտոնյա ներկա չէր

Հայտնի է, թե ինչից հետո Արամ Սիմոնյանի դիմադրությունը կոտրվեց

Գործադիրում սպասվում են նոր հրաժարականներ

Փաշինյանն ի վերջո մանդատազրկելու է Ծառուկյանին. ինչ է քննարկվել «Իմ քայլում»

Նարինե Թուխիկյանը՝ մշակույթի փոխնախարար

«Հազար ասինք` ԲԴԽ-ն ու ՍԴ-ն ցրեք, ինչի՞ չցրեցին». Մանրամասներ «Իմ քայլի» թեժ նիստից

ՀՀ-ն շահած դուրս եկավ խաղից. Բելառուս-Ղազախստան դավադրությունը չկայացավ

«Մի ընկճվեք, ես ավելի լուրջ գործեր եմ «մաքրել» Ստրասբուրգում». Նախարարը «դուխ» է տվել

Մտածված արձակուրդ. Փաշինյանը ազատվո՞ւմ է Ռոմանոս Պետրոսյանից

Լրահոս

Ֆոտոռեպորտաժ

«Երևանյան գույներ»

Հարցումներ