«Տեսակետ» մամուլի ակումբ - Կամ կաշառք է լինելու, կամ` տուգանք. բնապահպան (տեսանյութ)

Եվրոպական ներդրումային բանկի և Ասիական զարգացման բանկի համատեղ ֆինանսավորմամբ Մ6՝ Վանաձոր-Ալավերդի-Վրաստանի սահման միջպետական ճանապարհի վերականգման և բարելավան ծրագրի շրջանակներում վերակառուցվում է միջպետական ճանապարհի շուրջ 91 կմ ընդհանուր երկարությամբ հատվածը: Շինարարական թափոնների մի մասը լցվում են ճանապարհի հենց եզրին գտնվող անտառային տարածքում, ծառերի վրա, մի մասն էլ գլորվելով լցվել է Դեբեդը, ինչի արդյունքում տեղ-տեղ գետնի հունը նեղացել ու առու է դարձել: Ահազանգը հնչեցնում է Կանաչների միության նախագահ Հակոբ Սանասարյանը։ 

«Ճանապարհաշինական աշխատանքները անխոս գովելի են, սակայն դրանք իրականացվում են օրենքի կոպիտ խախտումներով: Ցանկացած նախագիծ հաստատելիս հստակ ամրագրվում է, թե որտեղ պետք է տեղափոխվեն շինարարության արդյունքում առաջացած արդյունաբերական թափոնները»,- նշեց Կանաչների միության նախագահը: 

Շինարարական թափոնները պատահական վայրերում, շինաշխատանքներին մոտ թափելը, ըստ Սանասարյանի մեկ բացատրություն ունի. «Ֆինանսների, վառելիքի խնայողություն»: 

Այն դեպքում, երբ ամեն վայրկյան կարող է պատերազմական իրավիճակ լինել, ճանապարհաշինությունը պետք է իրականացվի մի քանի հերթով, որպեսզի աշխատանքները հնարավոր շուտ ավարտվեն, առավել ևս որ եղանակային պայմանները բարենպաստ են: 

Ասֆալտապատման ոլորտում այսօր Հայաստանում չեն կիրառվում նոր տեխնոլոգիաներ և տեխնիկա: «Հին տեխնիկայով աշխատանքը նույնն է, ինչ 2016թ.-ի Ապրիլյան քառօրյան, երբ մենք ունեինք հին զենք, մեր թշնամին՝ ժամանակակից զենք, դրանց արդյունավետությունն համեմատելի չէ: Ճանապարհաշինարություն իրականացնող կազմակերպություները այստեղ ևս գումարներ են խնայում, նոր տեխնիկա չեն գնում, նոր տեխնոլոգիաներ չեն կիրառում»,- ասաց Հակոբ Սանասարյանը: 

Նա խնդրի վրա է հրավիրում պատկան բոլոր կառույցների ուշադրությունը. «Ընթացքը ցույց կտա օրենքը կգերակայի, թե ախորժակը: Կամ կաշառք է լինելու, կամ տուգանք»:

2016թ.-ից սկսած ճանապարհաշինարարությունն իրականացվում է 3 կապալի պայմանագրով, շինարարական 5 կազմակերպության կողմից:

HayNews.am-ը խնդրին առավել մանրամասն կանդրադառնա առաջիկայում:
 
 
 
 
 
Նյութը՝ HayNews.am-ի:

Սեպտեմբերի 18-ին, ժամը 12.00 «Տեսակետ» մամուլի ակումբի հյուրերն են ԱՀԹ Առաջնորդանիստ Ս. Սարգիս եկեղեցու և Երիտասարդաց միությունների հոգևոր հովիվ Տեր Պետրոս ավագ քահանա Մալյանը և Երիտասարդաց միության ներկայացուցիչները: Թեման՝ «Կիրականացվի «Բերքից լավագույնը զինվորներին» ծրագիրը: Ո՞րն է ծրագրի նպատակը, որտե՞ղ է այն իրականացվելու, ովքե՞ր են մասնակիցները, և ո՞րն է ծրագրի այս տարվա առանձնահատկությունը»:

 

Ժամը 13.00 հյուրերն են «Արծիվ մահապարտների միություն» ՀԿ նախագահ, գեներալ-մայոր Աստվածատուր Պետրոսյանը, Կին ազատամարտիկների միության նախագահ, գնդապետ Աիդա Սերոբյանը, մահապարտներից Արթուր Ալեքսանյանը (Ամարասի Արթուր), Մարտին Մարտիրոսյանը և Սուրիկ Խաչատրյանը: Թեման՝ «Մահապարտների հաղթանակի դափնեպսակը. սեպտեմբերի 18-ը Վաղուհասի, Հարությունագոմերի և Չլդրանի ազատգրման օրն է»:

 

Սեպտեմբերի 17-ին, ժամը 11.00 «Տեսակետ» մամուլի ակումբի հյուրերն են Հայաստանի տաքսի ծառայությունների գործատուների ճյուղային միության նախագահ Վահագն Սահակյանը և ՀՊՏՀ Տնտեսության կարգավորման և միջազգային տնտեսական հարաբերությունների ֆակուլտետի դեկան Գրիգոր Նազարյանը: Թեման՝ «Հունվարի մեկից ավտոմեքենաների մաքսազերծման գնի բարձրացումն ու դրա հնարավոր ազդեցությունը տնտեսության վրա: Վարորդների բալային համակարգը. առավելություններ և թերություններ: Տեսախցիկների խնդիրը, հարակից հարցեր»:

Սեպտեմբերի 16-ին, ժամը 12.00 «Տեսակետ» մամուլի ակումբի հյուրն է տնտեսագետ Կառլեն Խաչատրյանը: Թեման՝ «Մակրոտնտեսական հիմնական ցուցանիշները և տնտեսության մեջ տեղի ունեցող գործողությունները»:

Լրահոս

Ֆոտոռեպորտաժ

«Երևանյան գույներ»

Հարցումներ