«Տեսակետ» մամուլի ակումբ - Հայաստանում հանքարդյունաբերությունը սպառնում է շրջակա միջավայրին. բնապահպաններ

Հայաստանում շրջակա միջավայրին մեծ վտանգ է սպառնում հանքարդյունաբերությունը. Շրջակա միջավայրի պահպանության և բնապահպանի միջազգային օրն այս մասին լրագրողների հետ զրույցում կրկին ահազանգեցին բնապահպանները:

 

«Առողջ միջավայր» հ/կ-ի ներկայացուցիչ, բնապահպան Մովսես Մանուկյանը նկատեց, հանքարդյունաբերությունը Հայաստանում շատ կոռումպացված ոլորտ է, այստեղ ով ցանկանում է, կարողանում է դրանով զբաղվել:

 

«Հանուն մարդկային կայուն զարգացման» կազմակերպության ղեկավար, բնապահպան Կարինե Դանիելյանն էլ նշեց, որ բոլոր ուսումնասիրություններն ասում են, որ հանքարդյունաբերությունը ամենամեծ վնաս է տալիս Հայաստանին: Նա նկատեց, որ ամենաշատը դրանից տուժել են Լոռու և Սյունիքի մարզերը:

 

«Զարմանալի է, որ երբ նայում ենք կառավարության ընտրած գերակա ուղիները՝ մաքուր գյուղատնտեսությունը, տուրիզմը, հանքարդյունաբերությունը, ապա տեսնում ենք, որ հանքարդյունաբերությունը այն երկուսը լրիվ քոքից կտրում է»,- ասաց նա:

 

Կարինե Դանիելյանը նաև նշեց, որ իրենք շատ են պայքարում հանքարդյունաբերությանը զարկ տալու դեմ, սակայն, ցավոք, չեն կարող ասել, որ դրական արդյունքի են հասել:

 

Նա դրական է համարում այն, որ բավական փորձ են ձեռք բերվել կանաչ տնտեսության ոլորտում: «Կարևոր է, որ դա ընդլայնվի, շարունակվի»,- ասաց նա:

 

Կարինե Դանիելյանը նաև իր մտահոգությունը հայտնեց Էկոլոգիական կրթության նկատմամբ կրթության և գիտության նախարարության դիրքորոշումից: Նշեց, որ նախարարությունն արդեն քանի անգամ է մերժում է իրենց ցանկությունը՝ դպրոցական դասագրքերում էկոլոգիա առարկա դասավանդելը:

 

ԵՊՀ Էկոլոգիական իրավունքի գիտաուսումնական կենտրոնի ղեկավար Աիդա Իսոյանն էլ նշեց, որ բնապահպանության վիճակը չի փոխվի, մինչև չհետևենք, թե կան իրավական ակտեր, արդյոք այդ ակտերը գործու՞մ են, թե ոչ:

 

«Ոչ մի բան մենք չենք ունենա, եթե հասարակությունն իր կարծիքը չարտահայտի»,- ասաց նա՝ նշելով, որ իրավակիրառ պրակտիկան է պակասում:

 

 

Սեպտեմբերի 16-ին, ժամը 12.00 «Տեսակետ» մամուլի ակումբի հյուրն է տնտեսագետ Կառլեն Խաչատրյանը: Թեման՝ «Մակրոտնտեսական հիմնական ցուցանիշները և տնտեսության մեջ տեղի ունեցող գործողությունները»:

Սեպտեմբերի 12-ին, ժամը 13.00 «Տեսակետ» մամուլի ակումբի հյուրն է Սեյսմակայուն շինարարության հայկական ասոցիացիայի նախագահ, տեխն. գիտ. դոկտոր, պրոֆեսոր Միքայել Մելքումյանը: Թեման՝ «Շենքերի սեյսմիկ վիճակը Երևանում. ի՞նչ կլինի ուժեղ երկրաշարժի դեպքում: Ի՞նչ վիճակում են նորակառույց շենքերը, որքանո՞վ է նպատակահարմար երկնաքերի կառուցումը: Շենքերի սեյսմամեկուսացման մեթոդները, հարակից հարցեր»:

Սեպտեմբերի 10-ին, ժամը 12.00 «Տեսակետ» մամուլի ակումբի հյուրն է «Ադեկվադ» կուսակցության հիմնադիր անդամ Լիլիթ Թումանյանը: Թեման՝ «Ադեկվադ»-ը դարձել է կուսակցություն. նպատակը, առաքելությունն ու ծրագրերը: Հայաստանի ներքաղաքական իրավիճակը. հնարավոր զարգացումներ»:

 

 

Ժամը 13.00 հյուրերն են Մարդկային զարգացման միջազգային կենտրոնի ղեկավար Թևան Պողոսյանը և Առաջին հետախուզադիվերսիոն ջոկատի հիմնադիր, հրամանատար Վովա Վարդանովը: Թեման՝ «ՏԻՄ ընտրություններն Արցախում, սպասվող նախագահական ու խորհրդարանական ընտրությունները: ԼՂ հիմնախնդիր, ներկայիս իրավիճակը, հնարավոր զարգացումները: Փաշինյանի հայտարարությունները և միջազգային արձագանքները. մեսիջներ, հարակից հարցեր»:ա

Լրահոս

Ֆոտոռեպորտաժ

«Երևանյան գույներ»

Հարցումներ