«Տեսակետ» մամուլի ակումբ - «Ինչ հող վերադարձնել, ինչ բան». Վովա Վարդանով. Առավոտ

Հետախուզադիվերսիոն ջոկատի հրամանատար Վովա Վարդանովի դիտարկմամբ, 1993 թվականից մենք նույն սխալն ենք շարունակում՝ նահանջողական դիրքում: «1993 թվականի աշնանից որոշեցինք՝ անելիք չունենք, թուրքն իրանը թող անի, դա սարսափելի սխալ է, դա նշանակում է նախաձեռնությունը տալ հակառակորդին»,- այսօր «Տեսակետ» ակումբում ասաց պարոն Վարդանովը:

 

Ըստ նրա, պետք է դառնանք նախաձեռնող, պահանջող. «Ինչ հող վերադարձնել, ինչ բան: Հենց որ արտաքին քաղաքականությամբ զբաղվողները հայտարարում են հողերի վերադարձման մասին, բոլոր նախարարությունների հավաքարարները սկսում են հողերի վերադարձման մասին խոսել: Հիմարություն են այդ խոսակցությունները, նշանակում է դառնալ անպաշտպան: Հլը տեսեք ինչ գումարներ են ծախսվում ազատագրված տարածքներում, դա նշանակում է, որ վերադարձնելու միտք էլ չկա: Այն ինչ հայտարարվում է արտաքին աշխարհի համար է: Դա արվում է մանեւրելու տեղ թողնելու համար, արտաքին աշխարհի աչքին թոզ փչելու համար»:

 

Պարոն Վարդանովը վստահեցնում է՝ մեր ռազմաքաղաքական վերնախավը ոչ մի դեպքում հողեր հանձնելու քայլին չի գնա. «Մարտակերտից իջեք Վարդենիս, սաղ ձորը շինարարական աշխատանքներ են գնում, մեր ռազմաքաղաքական վերնախավը արտաքին խաղեր անելու հետ միասին չի պատրաստվում մեր հասարակությանը հակառակել»:

 

Aravot.am-ը պարոն Վարդանովից հետաքրքրվեց՝ ապրիլյան պատերազմի ժամանակ հեկտարների հասնող տարածքների կորուստը հանձնում չէ՞ր, եթե հաշվի առնենք, որ դուք էլ էիք ահազանգում, որ կորցրինք տարածքները վատ հետախուզության պատճառով, ի պատասխան պարոն Վարդանովը կրկնեց, որ ահռելի գումարներ են ծախսվում, դրանք չէին ծախսվի, եթե հանձնելու միտք լիներ. «Խոշոր շինարարական աշխատանքներ են տարվում, խոշոր ներդրումներ են արվում, որ համոզված չես, որ հողը պահելու ես, հիմարություն է փող ծախսել»:

 

Ասուլիսի վերջում էլ հավելեց, որ երբեք ՀՀ-ն Ադրբեջանի ունեցած զենք զինամթերքին համարժեք զենք չի ունեցել. «1991 թվականից սկսած՝ մենք միշտ իրենցից վատ ենք զինված եղել, իրենց մեծ փողերի հաշվին դիսբալանսը շարունակվում է»:

 

Ամբողջական հոդվածը՝ http://www.aravot.am/2017/05/15/885603/ 


Հուլիսի 24-ին, ժամը 11.00 «Տեսակետ» մամուլի ակումբի հյուրն է ակնաբույժ, դեղագետ, պրոֆեսոր, աչքի քիմիական այրվածքը լիակատար բուժող բացառիկ դեղամիջոց հայտնագործող Մանուկ Մանուկյանը: Թեման՝ «Առանց վիրահատական միջամտության կարելի է բուժել աչքի տարբեր հիվանդություններ: Եզակի դեղամիջոցը վերացնում է աչքի քիմիական այրվածքը՝ լիարժեք վերականգնելով տեսողությունը: Աչքի հիվանդություններ. աճի կամ նվազման միտումներ, կանխարգելում»։

Հուլիսի 22-ին, ժամը 12.00 «Տեսակետ» մամուլի ակումբի հյուրն է Արևելագիտության ինստիտուտի տնօրեն Ռուբեն Սաֆրաստյանը: Թեման՝ «Վերջին զարգացումները Սիրիայում և նրա շուրջ, քրդական խնդիր, այս ամենի ազդեցությունը Հայաստանի վրա, հարակից հարցեր»։

Հուլիսի 19-ին, ժամը 12.00 «Տեսակետ» մամուլի ակումբի հյուրերն են Հայաստանի Քրդական ազգային խորհրդի նախագահ Կնյազ Հասանովը, «Քուրդիստան» կոմիտեի նախագահ Սլո Դրբոյանը և Հայաստանի քուրդ կանանց խորհրդի անդամ Լիանա Մհոյանը: Թեման՝ «1. Թուրքական պետության հարձակումներն ու ռմբակոծություններն Իրաքյան Քուրդիստանի բնակչության շրջանում: Զոհվում են անմեղ բնակիչներ: Թուրքական պետությունը քրդերի նկատմամբ ցեղասպանություն է իրականացնում: 2. Քրդական համայնքի վիճակը Հայաստանում»։

 

Ժամը 13.00 հյուրերն են Արմավիր քաղաքի Անդրանիկ Օզանյանի անվան թիվ 5 հիմնական դպրոցի ծնողկոմիտեի նախագահ Հայաստան Հակոբյանը, ծնողկոմիտեի նախագահներ Քնքուշ Սերոբյանը և Էվելինա Բաբայանը: Թեման՝ «Արմավիրցիները փորձում են պաշտպանել մարզպետի կողմից ցույցի կազմակերպիչ որակված՝ դպրոցի ծնողկոմիտեի նախագահին (որին պատրաստվում են պատասխանատվության ենթարկել), և բացառել մարզպետի ուղղորդումը տնօրենի առաջիկա ընտրություններին»:

 

Լրահոս

Ֆոտոռեպորտաժ

«Երևանյան գույներ»

Հարցումներ