«Տեսակետ» մամուլի ակումբ - «Բարի Սամարացի» ընկերության դռները միշտ բաց են /տեսանյութ/

«Մեր երկրում ընդունվել է օրենք՝ ՀԱՍՊ որակի վերահսկողության համակարգը: Արտադրության բոլոր տեսակներում պետք է ներդրված լինի ՀԱՍՊ համակարգը: ՀԱՍՊ-ն, եթե բացենք, կհնչի այսպես՝ վտանգների բացահայտումը և կրիտիկական կետերը: ՀԱՍՊ համակարգը շատ կարևոր է», - այսօր «Տեսակետ» մամուլի ակումբում լրագրողների հետ հանդիպման ընթացքում նշեց «Սննդային գիտությունների և տեխնոլոգիաների հայկական միավորման» ղեկավար, Հայաստանում Հիգիենիկ ինժեներիայի և դիզայնի եվրոպական խմբի ղեկավար Կարինե Գրիգորյանը՝ ընդգծելով՝ վերոնշյալ կառույցները իրականացնում են աշխատանքներ, որպեսզի ՀԱՍՊ համակարգը հնարավորինս արդյունավետ աշխատի: 

 

Կարինե Գրիգորյանը շեշտեց՝ ապրանք արտադրողը պետք է գիտակցի՝ պատասխանատվություն է կրում, ուստի հենց ինքը պետք է շահագրգռված լինի ՀԱՍՊ որակի վերահսկման համակարգը իր գործարանում ներմուծելու հարցում, քանի որ տվյալ համակարգը մշակվել է և փորձարկվել եվրոպական երկրներում: Բանախոսն ընդգծեց՝ գործարանը պետք է համագործակցի լաբորատորիաների, գիտական կառույցների հետ՝ հաջող համակարգ ունենալու համար:

 

«Իսկ եթե այս ամենը չի կատարվում, ու ՀԱՍՊ-ն միայն փաստաթղթի վրա է մնում, ուրեմն  տվյալ համակարգն աշխատել չի կարող», - նշեց Կարինե Գրիգորյանը՝ ընդգծելով՝ այս առումով սնունդ արտադրողների համար հիանալի օրինակ կարող է լինել «Բարի Սամարացի» ընկերությունը:

 

Ասուլիսի մյուս բանախոսը՝ որակի աուդիտոր Միլետա Արիստակեսյանն իր հերթին նշեց՝ որակյալ արտադրանք ստանալու համար, միանշանակ, առանցքային կարևորություն ունեն ոչ միայն ժամանակակից տեխնոլոգիաները և սարքավորումները, այլև բանիմաց մասնագետների առկայությունը՝ յուրաքանչյուր ընկերությունում: Մելիտա Արիստակեսյանն ընդգծեց՝ գոյություն ունեն վերապատրաստման, ուսուցման դասընթացներ, իսկ խելացի մասնագետները, արտադրողները, միանշանակ, կօգտվեն այդ հնարավորությունից՝ է՛լ ավելի տեղեկացված լինելու, սպառողին ավելի որակյալ ապրանք հրամցնելու համար:

 

Անդրադառնալով «Բարի Սամարացի» ընկերությանը՝ Մելիտա Արիստակեսյանը նշեց. «Սա այն ընկերությունն է, որն ամեն նորություն գրկաբաց է ընդունում և աշխատում է թափանցիկ: Երբ մարդը վախենում է, գիտի՝ իր արտադրությունում ինչ-որ պրոբլեմներ կան, մեզ ներս չի թողնում, ինչը չես ասի «Բարի Սամարացի» ընկերության պարագայում: Այս ընկերությունը լավագույն արտադրանքն է տալիս ոչ միայն հայրենական շուկայում, այլև արտերկրում՝ իր արտահանած ապրանքով. փաստերը հենց դա են ցույց տալիս»:

 

«Բարի Սամարացի» ընկերության գլխավոր տեխնոլոգ Կարեն Պողոսյանը շեշտեց՝ սննդամթերքի և հատկապես մսամթերքի արտադրման ոլորտը լի է ռիսկերով, ուստի անհրաժեշտ է աչալուրջ լինել և միշտ ուշադրության կենտրոնում պահել որակի վերահսկողության մեխանիզմները:

 

«Սննդամթերքի արտադրության մեջ մենք լուրջ հսկողություն ենք իրականացնում՝ համակարգված կերպով: Գովելի է, որ մեր պետությունը և սպառողները ևս շահրգրգռված են վերահսկողություն իրականացնելու հարցում: Ինչպես տիկին Արիստակեսյանը նշեց. «Մեր դռները միշտ բաց են բոլորի առջև: Մենք մեր առաջ նպատակ ենք դրել, այն է՝ սպառողին հրամցնել լավագույն արտադրանքը. ասվածը վերաբերում է և՛ տեղական, և՛ արտասահմանյան շուկաներում առկա մեր արտադրանքին: Հենց դրա համար էլ մենք համագործակցում ենք նաև գիտական ասպարեզի հետ՝ միջոցներ չխնայելով: Այդ միջոցները ներդրում ենք համարում, և կարծում ենք, որ էականն այն է, որ ունենանք որակյալ արտադրանք, եթե անգամ շահույթը լինի քիչ», - նշեց Կարեն Պողոսյանը՝ ընդգծելով, որ «Բարի Սամարացի»-ն ջանում է անել այնպես, որ ՀԱՍՊ որակի վերահսկման համակարգը ամբողջապես կիրառվի՝ իր արդյունավետության բոլոր հնարավորություններով, ոչ թե այդ համակարգը մնա միայն թղթի վրա, ինչպես արվում է հաճախ այս կամ այն ընկերություններում:


Մանրամասները՝ տեսանյութում 

 


Օգոստոսի 3-ին, ժամը 12.00 Տուրիզմի հայկական ինստիտուտում (հասցեն՝ Երվանդ Քոչար 12/1, հեռ.՝ 010 520-530, 010 583-229, 010 550-536, 091 22-66-26) տեղի կունենա «Հայկական տուրիզմի զարգացման տեսլականը, ներկան, ապագան, խնդիրները և լուծման ուղիները» թեմայով մամուլի ասուլիս, որի բանախոսներն են Տուրիզմի հայկական ինստիտուտի ռեկտոր, տուրիզմի փորձագետ Ռոբերտ Մինասյանը, Տուրիզմի հայկական ֆեդերացիայի նախագահ Մեխակ Ապրեսյանը, «Ավարայր» տուրիստական ընկերության տուրօպերատոր, Տուրիզմի հայկական ինստիտուտի դասախոս Գոհար Մկրտչյանը և Տուրիզմի հայկական ինստիտուտի «Մետաքսի ճանապարհ» ամբիոնի վարիչ Տիգրան Բաբայանը: ԶԼՄ ներկայացուցիչներին սիրով հրավիրում ենք լուսաբանելու:

Օգոստոսի 3-ին, ժամը 12.00 Տուրիզմի հայկական ինստիտուտում (հասցեն՝ Երվանդ Քոչար 12/1, հեռ.՝ 010 520-530, 010 583-229, 010 550-536, 091 22-66-26) տեղի կունենա «Հայկական տուրիզմի զարգացման տեսլականը, ներկան, ապագան, խնդիրները և լուծման ուղիները» թեմայով մամուլի ասուլիս, որի բանախոսներն են Տուրիզմի հայկական ինստիտուտի ռեկտոր, տուրիզմի փորձագետ Ռոբերտ Մինասյանը, Տուրիզմի հայկական ֆեդերացիայի նախագահ Մեխակ Ապրեսյանը, «Ավարայր» տուրիստական ընկերության տուրօպերատոր, Տուրիզմի հայկական ինստիտուտի դասախոս Գոհար Մկրտչյանը և Տուրիզմի հայկական ինստիտուտի «Մետաքսի ճանապարհ» ամբիոնի վարիչ Տիգրան Բաբայանը: ԶԼՄ ներկայացուցիչներին սիրով հրավիրում ենք լուսաբանելու:

Հուլիսի 30-ին, ժամը 11.00 «Տեսակետ» մամուլի ակումբի հյուրերն են ՀՀ ԳԱԱ Հնագիտության և ազգագրության ինստիտուտի տնօրեն Պավել Ավետիսյանը, Զորաց քարեր/Քարահունջ պատմամշակութային արգելոցի հնավայրում պեղումներ իրականացնող հնագիտական արշավախմբի ղեկավար Աշոտ Փիլիպոսյանը և «Բնօրրան» ՀԿ տնօրեն Հռիփսիմե Հարությունյանը: Թեման՝ «Բնօրրան» պատմամշակութային ՀԿ-ը նախաձեռնել է քննարկումներ/բանակցություններ ՀՀ Հնագիտության և ազգագրության ինստիտուտի տնօրեն, պգդ․, պրոֆեսոր Պ. Ավետիսյանի, և Քարահունջում պեղումներ իրականացնող արշավախմբի ղեկավար, պգդ․, պրոֆեսոր Ա. Փիլիպոսյանի հետ։ Նպատակն է՝
կողմերի միջև ստեղծել համագործակցության նոր միջավայր, երկուստեք բացառել ծայրահեղության ցանկացած դրսևորում,
առկա խնդիրների վերհանման ու լուծումներ մշակելու հարցում մեկտեղել ջանքերը։ Ի՞նչ կետեր է պարունակում քննարկումների արդյունքում ստորագրված արձանագրությունը, որո՞նք են արձանագրությունը ստորագրողների հետագա քայլերն ու ծրագրերը»:

Ասուլիսին ներկա կլինի նաև Քարահունջն ուսումնասիրող անկախ հետազոտող Վաչագան Վահրադյանը:

Կից ներկայացնում ենք արձանագրության պատճենը, լրագրողներին խնդրում ենք անպայման ծանոթանալ:

Հուլիսի 29-ին, ժամը 11.00 «Տեսակետ» մամուլի ակումբում տեղի կունենա փաստաբան Լևոն Բաղդասարյանի ասուլիսը՝ ՄԻԵԴ վերջին որոշումների և դատարաններում տիրող իրավիճակի վերաբերյալ»։

 

Ժամը 12.00 հյուրն է MHS հոգեկան առողջության կենտրոնի տնօրեն, Մ. Հերացու անվան ԵՊԲՀ հոգեբուժության ամբիոնի դասախոս Արամ Հովսեփյանը: Թեման՝ «Սեռական բռնություն. ի՞նչ մակարդակի է հասնում դրա տարածվածությունը Հայաստանում, ինչու՞ է հատկապես վերջին շրջանում մեծ աղմուկ բարձրացել այս թեմայի շուրջ, և որքանո՞վ է հիմնավորված աղմուկը: Հոգեբանական ի՞նչ խնդիրների առջև են կանգնում բռնության ենթարկված անձինք, և հնարավո՞ր է արդյոք նրանց հոգեկան հավասարակշռության լիակատար վերականգնումը: Ոլորտին վերաբերող այլ հարցեր»: 

 

Լրահոս

Ֆոտոռեպորտաժ

«Երևանյան գույներ»

Հարցումներ