«Տեսակետ» մամուլի ակումբ - Բաքուն մաշող պատերազմների է գնում, քանի որ հասկացել է, որ ամբողջ ճակատով մարտի ժամանակ հայկական կողմն իրեն ջախջախում է. Ա. Պապյան

Բանակցային ճանապարհով այս պահին Արցախյան հակամարտությունը չի լուծվի, քանի որ Ալիևն ազնվորեն հայտարարում է, որ Հայաստանը պետք է ոչնչացվի:

 

Այսօր լրագրողների հետ հանդիպման ժամանակ նման գնահատական տվեց «Մոդուս վիվենդի» կենտրոնի ղեկավար Արա Պապյանը՝ անդրադառնալով ԼՂ խնդրի քաղաքական կոնտեքստին:

 

«Ալիևի հռետորաբանությունը չի փոխվել: Նրանք գնում են մաշող պատերազմների քաղաքականությամբ, քանի որ հասկացել են, որ ամբողջ ճակատով մարտի մտնելու ժամանակ հայկական կողմը միավորվում է ու ջախջախում է: Իսկ հիմա Ադրբեջանը մեզ մղում է զենքի մրցավազքի: Որոշ քաղաքական ուժերի մոտ էլ կար տեսակետ, որ Արցախի որոշ տարածքներ զիջելով՝ խնդիրը կարգավորվելու է: Ես կարող եմ վստահեցնել՝ ամբողջ Արցախն էլ տան, միևնույն է՝ պատերազմը չի ավարտվելու, քանի որ Ադրբեջանը ցանկանում է տարածաշրջանից վերացնել հայկական գործոնը: Լուծումն այն է, որ պետք է ռազմաքաղաքական հավասարություն լինի»,- պնդեց Պապյանը:

 

Նա նաև ասաց, որ այսօր հայ հասարակություն ավելի լավ է պատրաստվում պատերազմի, քան իշխանությունները՝ պնդելով, որ ոստիկանության վրա ավելի մեծ գումարներ են ծախսվում, քան բանակի:
Հոգեբան Կարինե Նալչանջյան էլ նկատեց, որ պատերազմի շունչը մայրաքաղաքներում չեն զգում, այլ շոշափելի է դառնում սահմանային տեղերում:

 

«Այս առումով ապրիլյան պատերազմը ցնցող ազդեցություն ունեցավ, քանի որ հասկացանք՝ պատերազմը լուրջ է: Մենք թանկագին կորուստներ ունեցանք ու մինչև հիմա տնքում ենք: Հաղթանա՞կ, թե՞ պարտություն, այս հարցը շատ անգամ օդի մեջ է, սակայն պետք է գիտակցենք, որ Ադրբեջանի նպատակը մի քանի կիլոմետր խորանալն էր, այլ ոչ թե միայն այն, որ հայկական կողմը զոհեր ունենա: Ծանր տրվեց, բայց հաղթանակ էր»,- շեշտեց Նալչանջյանը:

 

tert.am

 

 

Սեպտեմբերի 16-ին, ժամը 12.00 «Տեսակետ» մամուլի ակումբի հյուրն է տնտեսագետ Կառլեն Խաչատրյանը: Թեման՝ «Մակրոտնտեսական հիմնական ցուցանիշները և տնտեսության մեջ տեղի ունեցող գործողությունները»:

Սեպտեմբերի 12-ին, ժամը 13.00 «Տեսակետ» մամուլի ակումբի հյուրն է Սեյսմակայուն շինարարության հայկական ասոցիացիայի նախագահ, տեխն. գիտ. դոկտոր, պրոֆեսոր Միքայել Մելքումյանը: Թեման՝ «Շենքերի սեյսմիկ վիճակը Երևանում. ի՞նչ կլինի ուժեղ երկրաշարժի դեպքում: Ի՞նչ վիճակում են նորակառույց շենքերը, որքանո՞վ է նպատակահարմար երկնաքերի կառուցումը: Շենքերի սեյսմամեկուսացման մեթոդները, հարակից հարցեր»:

Սեպտեմբերի 10-ին, ժամը 12.00 «Տեսակետ» մամուլի ակումբի հյուրն է «Ադեկվադ» կուսակցության հիմնադիր անդամ Լիլիթ Թումանյանը: Թեման՝ «Ադեկվադ»-ը դարձել է կուսակցություն. նպատակը, առաքելությունն ու ծրագրերը: Հայաստանի ներքաղաքական իրավիճակը. հնարավոր զարգացումներ»:

 

 

Ժամը 13.00 հյուրերն են Մարդկային զարգացման միջազգային կենտրոնի ղեկավար Թևան Պողոսյանը և Առաջին հետախուզադիվերսիոն ջոկատի հիմնադիր, հրամանատար Վովա Վարդանովը: Թեման՝ «ՏԻՄ ընտրություններն Արցախում, սպասվող նախագահական ու խորհրդարանական ընտրությունները: ԼՂ հիմնախնդիր, ներկայիս իրավիճակը, հնարավոր զարգացումները: Փաշինյանի հայտարարությունները և միջազգային արձագանքները. մեսիջներ, հարակից հարցեր»:ա

Լրահոս

Ֆոտոռեպորտաժ

«Երևանյան գույներ»

Հարցումներ