«Տեսակետ» մամուլի ակումբ - Համացանցի դերը մեծ էր հատկապես նախընտրական քարոզչության շրջանում

 

Խորհրդարանական ընտրություններին ընտրողների գրանցումն իրականացնող նոր տեխնիկական սարքավորումներն օգնեցին զերծ մնալ ընտրակեղծիքներից, սակայն դրանք, այնուամենայնիվ, չբացառվեցին: Լրագրողների հետ հանդիպմանը նման կարծիք հայտնեց «Ինտերնետ հանրություն» ՀԿ փոխնախագահ Գրիգոր Սաղյանը: Նրա խոսքով' համացանցի միջոցով քաղաքացիները հնարավորություն ունեցան հետեւել, թե ինչ է կատարվում տարբեր ընտրատեղամասերում: «Այստեղ եւս եղան խախտումներ: Հաճախ տեսախցիկը ցույց էր տալիս ոչ ճիշտ ընտրատեղամաս»,- ասաց նա:

 

Սաղյանը նշեց, որ այս ընտրություններն առավել աչքի ընկան բոլոր ընտրատեղամասերում տարօրինակ արտաքինով մարդկանց ներկայությամբ, որոնք ուղղորդում էին ընտրողներին' ընտրություն կատարելու հարցում: «Ընտրություններին կուտակումները հիմնականում պայմանավորված էին նրանով, որ մարդկանց խմբերով էին բերում ընտրության»,-նշեց բանախոսը՝ հավելելով, որ շատ ճիշտ կլինի, եթե մարդիկ հնարավորություն ունենան քվեարկել էլեկտրոնային նույնականացման քարտով՝ առանց տեղամասեր այցելելու:

 

Անդրադառնալով նախընտրական քարոզչության ընթացքում համացանցի դերին, Սաղյանն ասաց, որ քաղաքական բոլոր ուժերը բավական ակտիվ էին համացանցում, ինչը չէր կարելի ասել անձնական շփումների պարագայում:

 

 

lurer.com

Հուլիսի 18-ին, ժամը 12.00 «Տեսակետ» մամուլի ակումբի հյուրերն են Հայաստանում ֆրանսիական համալսարանի շրջանավարտները: Թեման՝ «Հայաստանում ֆրանսիական համալսարանը 2011 թվականից ապօրինի է տրամադրում հայկական պետական դիպլոմները, քանի որ չունի պետական հավատարմագրում։ Բացի այդ՝ համալսարանը իր շրջանավարտներին չի տրամադրում օրենքով սահմանված հայկական դիպլոմի ներդիրը (հավելվածը) և յուրաքանչյուր տարի ընդունում է ՀՀ օրենսդրությանը և միջազգային պայմանագրերին հակասող ներքին կարգ»։

 

Հուլիսի 17-ին, ժամը 12.00 «Տեսակետ» մամուլի ակումբի հյուրերն են Էկոնոմիկայի նախարարության Բուսաբուծության և բույսերի պաշտպանության վարչության պետ Ռուդիկ Նազարյանը, միևնույն նախարարության Ագրովերամշակման և զարգացման վարչության պետ Գևորգ Ղազարյանը և ՍԱՊԾ Բուսասանիտարիայի տեսչության պետ Արթուր Նիկոյանը: Թեման՝ «Ի՞նչ նյութեր են օգտագործվում պտուղ-բանջարեղենի աճեցման գործում, որքանո՞վ են դրանք անվտանգ: Տեղական լոլիկի և վարունգի արտադրության խթանումը և արտահանման հնարավորությունները: Ներմուծված գյուղմթերք: Ինչպեՙ՚ս է վերահսկվում գյուղմթերքի շուկան: Հարակից հարցեր»:

Հուլիսի 15-ին, ժամը 11.00 «Տեսակետ» մամուլի ակումբի հյուրն է Նարկոլոգիական հանրապետական կենտրոնի տնօրեն Պետրոս Սեմերջյանը: Թեման՝ «Նարկոլոգիական իրավիճակը ՀՀ-ում՝ առողջապահական տեսանկյունից: Աճե՞լ, թե՞ նվազել է կենտրոնում հաշվառված հիվանդների թիվը, փոխվե՞լ է արդյոք տարիքային նվազագույն շեմը: Հնարավո՞ր է լիակատար բուժում, թե՞ ոչ: Մեր երկրի վիճակը թմրամոլների քանակի առումով՝ համեմատած տարածաշրջանի մյուս երկրների հետ: Վիճակագրական տվյալներ, թեմային առնչվող այլ հարցեր»:

 

Ժամը 12.00 հյուրն է ՀՀ ԳԱԱ Ֆիզիկական հետազոտությունների ինստիտուտի տնօրեն, ֆիզմաթ գիտ. դոկտոր, պրոֆեսոր, ՀՀ ԳԱԱ թղթակից անդամ Արամ Պապոյանը: Թեման՝ «Օպտիկայի պաշտպան» միջազգային հեղինակավոր կոչում-մրցանակին այս տարի արժանացել է Հայաստանը՝ աշխարհում օպտիկայի և ֆոտոնիկայի զարգացմանը նպաստելու համար: Ինչ են տալիս մեզ նման մրցանակները, ո՞ր ասպարեզներում են կիրառվում օպտիկան և ֆոտոնիկան: Հայաստանը՝ ոլորտում առաջատար երկիր: Միջազգային համագործակցություն և ծրագրեր, հարակից հարցեր»:

 

Լրահոս

Ֆոտոռեպորտաժ

«Երևանյան գույներ»

Հարցումներ