Մամուլ - Նոր հարցում` խորհրդարանական ընտրությունների վերաբերյալ

Խորհրդարանական ընտրություններից առաջ հանրության շրջանում անցկացված հարցումները ցույց են տվել, որ ընտրողների 50 տոկոսը հաստատապես մասնակցելու է ընտրություններին, իսկ 35 տոկոսը՝ հավանաբար կմասնակցի: Ընտրություններից մի քանի օր առաջ ընտրողների առավել մեծ աջակցությունն են վայելում երկու կուսակցություններ՝ ՀՀԿ-ն, որին պատրաստ է ձայն տալ ընտրողների 30,2 տոկոսը (կամ հավանական ընտրողների 35,6 տոկոսը) և «Ծառուկյան» դաշինքը, որի օգտին պատրաստ է քվեարկել ընտրողների 29.1 տոկոսը (կամ հավանական ընտրողների 34.2 տոկոսը):

 

Հարցումն իրականացրել են «Հայկական սոցիոլոգիական ասոցիացիա» եւ «Gallup Organization» մասնագիտացված կազմակերպությունները, որոնք հանրային կարծիքի բազմաթիվ ուսումնասիրություններ են իրականացրել 2005 թվականից:

 

Հարցումները ցույց են տալիս, որ ՀՀԿ-ն էլ ավելի է բարելավել իր դիրքերը վարկանիշային թեկնածուների ընտրական պոտենցիալի հիման վրա։ Ընտրություններից մի քանի օր առաջ անցկացված հարցումները ցույց են տալիս, որ ՀՀԿ-ն նաև կուսակցական վարկանիշով է առաջ անցել «Ծառուկյան» դաշինքից:

 

Հարցման արդյունքները ներկայացնելու ժամանակ Հայկական սոցիոլոգիական ասոցիացիայի նախագահ Գեւորգ Պողոսյանը նշեց, որ հարցաթերթում հարց է ներառվել նաև ռեյտինգային թեկնածուների մասին և ՀՀԿ-ի բոլոր ռեյտինգային թեկնածուներին տրվել է 31.7 տոկոս, «Ծառուկյան» դաշինքի թեկնածուներին` 21.8 տոկոս:

 

«Մնացած կուսակցություններին եւ դաշինքներին 3-8-ական տոկոսներ: Քվեարկության ժամանակ այդ ձայները կգումարվեն համապատասխան կուսակցությունների ստացված քվեներին»,-ասաց նա:

 

Հարցման արդյունքների համաձայն` 3-4 կուսակցություններ եւ դաշինք, որոնք վայելում են ընտրողների ավելի փոքր աջակցությունը, եւս կարող են անցնել Ազգային ժողով: «Դրանք են «Հայ հեղափոխական դաշնակցություն», «Հայկական վերածնունդ» կուսակցությունները եւ «Ելք» դաշինքը»,- ասաց նա՝ հավելելով, որ հավանական ընտրողների զգալի մասը` 63.4 տոկոսը կողմնորոշված է, թե ում է ընտրելու:

 

Gallup կազմակերպության ներկայացուցիչ դոկտոր Ռասա Ալիսաուշկիենեի խոսքով` հայ ընտրողները բավական հետաքրքրված են առաջիկա ընտրություններով: «Հարցման արդյունքները փաստում են, որ բնակչության համար ամենամտահոգիչը շարունակում են մնալ սոցիալ-տնտեսական խնդիրները, հիմնականում աշխատատեղերն ու կենսապայմանները»,-ասաց նա:

 

Նյութի աղբյուր

Լրահոս

Ֆոտոռեպորտաժ

«Երևանյան գույներ»

Հարցումներ