«Տեսակետ» մամուլի ակումբ - Մելքումյանը՝ 15 միլիարդ ներդրումների եւ Ծառուկյանի՝ վարչապետի հավակնորդ լինելու մասին . Առավոտ

«Ե՞րբ է ներդրումը հոսում ինչ-որ միջավայր, երբ վստահություն կա միջավայրի հանդեպ: Ներդրումներ չեն գալիս, որովհետեւ բիզնես միջավայրն արտոնությունների վրա է հիմնված»,-«Տեսակետ» մամուլի ակումբում այսօր անդրադառնալով «Ծառուկյան» դաշինքի առաջնորդ Գագիկ Ծառուկյանի՝ Հայաստան 15 միլիարդ դոլարի ներդրում բերելու հայտարարությանը, ասաց դաշինքի պատգամավորի թեկնածու, տնտեսագետ Միքայել Մելքումյանը:

 

«Գագիկ Ծառուկյանը հստակ ասեց, որ ներդրումներ կատարելու խոստումը հիմնված է նախընտրական փուլում իր եւ դաշինքի հանդեպ ժողովրդի անվերապահ աջակցության եւ դաշինքի ծրագրերի վրա»,-նկատեց Միքայել Մելքումյանը: Նրա բնորոշմամբ՝ դրանք ծրագրային ներդրումներ են լինելու՝ ըստ ոլորտների, ըստ մարզերի՝ դաշինքի ծրագրերի իրականացման համար:

 

Մելքումյանը նաեւ ներկայացրեց իր անձնական կարծիքը, թե ում է տեսնում որպես դաշինքի վարչապետի թեկնածու. «Այն քաղաքական ուժը, որը հաղթում է, իր առաջնորդը հավակնում է երկրի ղեկավարի կարգավիճակին: Ծառուկյանն ինքը կորոշի»: 

Ամբողջական հոդվածը կարող եք կարդալ այս հասցեով՝ http://www.aravot.am/2017/03/30/872254/ 


Հուլիսի 18-ին, ժամը 12.00 «Տեսակետ» մամուլի ակումբի հյուրերն են Հայաստանում ֆրանսիական համալսարանի շրջանավարտները: Թեման՝ «Հայաստանում ֆրանսիական համալսարանը 2011 թվականից ապօրինի է տրամադրում հայկական պետական դիպլոմները, քանի որ չունի պետական հավատարմագրում։ Բացի այդ՝ համալսարանը իր շրջանավարտներին չի տրամադրում օրենքով սահմանված հայկական դիպլոմի ներդիրը (հավելվածը) և յուրաքանչյուր տարի ընդունում է ՀՀ օրենսդրությանը և միջազգային պայմանագրերին հակասող ներքին կարգ»։

 

Հուլիսի 17-ին, ժամը 12.00 «Տեսակետ» մամուլի ակումբի հյուրերն են Էկոնոմիկայի նախարարության Բուսաբուծության և բույսերի պաշտպանության վարչության պետ Ռուդիկ Նազարյանը, միևնույն նախարարության Ագրովերամշակման և զարգացման վարչության պետ Գևորգ Ղազարյանը և ՍԱՊԾ Բուսասանիտարիայի տեսչության պետ Արթուր Նիկոյանը: Թեման՝ «Ի՞նչ նյութեր են օգտագործվում պտուղ-բանջարեղենի աճեցման գործում, որքանո՞վ են դրանք անվտանգ: Տեղական լոլիկի և վարունգի արտադրության խթանումը և արտահանման հնարավորությունները: Ներմուծված գյուղմթերք: Ինչպեՙ՚ս է վերահսկվում գյուղմթերքի շուկան: Հարակից հարցեր»:

Հուլիսի 15-ին, ժամը 11.00 «Տեսակետ» մամուլի ակումբի հյուրն է Նարկոլոգիական հանրապետական կենտրոնի տնօրեն Պետրոս Սեմերջյանը: Թեման՝ «Նարկոլոգիական իրավիճակը ՀՀ-ում՝ առողջապահական տեսանկյունից: Աճե՞լ, թե՞ նվազել է կենտրոնում հաշվառված հիվանդների թիվը, փոխվե՞լ է արդյոք տարիքային նվազագույն շեմը: Հնարավո՞ր է լիակատար բուժում, թե՞ ոչ: Մեր երկրի վիճակը թմրամոլների քանակի առումով՝ համեմատած տարածաշրջանի մյուս երկրների հետ: Վիճակագրական տվյալներ, թեմային առնչվող այլ հարցեր»:

 

Ժամը 12.00 հյուրն է ՀՀ ԳԱԱ Ֆիզիկական հետազոտությունների ինստիտուտի տնօրեն, ֆիզմաթ գիտ. դոկտոր, պրոֆեսոր, ՀՀ ԳԱԱ թղթակից անդամ Արամ Պապոյանը: Թեման՝ «Օպտիկայի պաշտպան» միջազգային հեղինակավոր կոչում-մրցանակին այս տարի արժանացել է Հայաստանը՝ աշխարհում օպտիկայի և ֆոտոնիկայի զարգացմանը նպաստելու համար: Ինչ են տալիս մեզ նման մրցանակները, ո՞ր ասպարեզներում են կիրառվում օպտիկան և ֆոտոնիկան: Հայաստանը՝ ոլորտում առաջատար երկիր: Միջազգային համագործակցություն և ծրագրեր, հարակից հարցեր»:

 

Լրահոս

Ֆոտոռեպորտաժ

«Երևանյան գույներ»

Հարցումներ