«Տեսակետ» մամուլի ակումբ - «Ինչքան միլիարդատեր կա, փող բաժանելով դառնում է պատգամավոր»

«Ես գտնում եմ, որ բոլոր դաշինքներն ու կուսակցությունները ընտրություններից հետո, ԱԺ-ն կազմակերպելուց հետո պետք է միասնաբար օգնեն երկրի ղեկավարությանը, որպեսզի կարողանանք մեր պետությունն այս վիճակից հանել», -այսօր «Տեսակետ» մամուլի ակումբում լրագրողների հետ հանդիպման ընթացքում այսպիսի տեսակետ հայտնեց ազատանմարտիկ, պատգամավորի թեկնածու Վլադիկ Աբրահամյանը, ով առաջադրված է թիվ 3 ընտրատարածքում, որն ընդգրկում է Մալաթիա-Սեբաստիա և Շենգավիթ վարչական շրջանները:
Վերջինս շեշտեց՝ միմյանց փնովելը ոչ մի լավ բանի չի հանգեցնի:

 

«Հարկավոր է Արցախի հարցը լուծել այնպես, որ այլևս չլինեն զոհեր ու սահմանային խնդիրներ: Պետք է Արցախի հարցն ինչ-որ ձևով լուծել, ու չեմ ասում՝ պետք է հողերը հանձնել», - նշեց բանախոսը:
Վլադիկ Աբրահամյանը շեշտեց՝ ԱԺ-ում կան բազմաթիվ պատգամավորներ, ովքեր առանձնապես չեն էլ հետաքրքրվում իրենց աշխատանքով և նույնիսկ ելույթ չեն ունենում ԱԺ ամբիոնից:

 

«ԱԺ-ում պետք է լինեն միայն կիրթ հասարակական-քաղաքական գործիչներ ու մտավորականներ: Թե չէ, փողոցում ինչքան միլիարդատեր կա, փող բաժանելով դառնում է պատգամավոր: Դա ի՞նչ է նշանակում: Թող որ ունենանք այնպիսի ԱԺ, որ որինակ ծառայի ամբողջ աշխարհի համար», - նշեց Վլադիկ Աբրահամյանը:

 

Ասուլիսի մյուս բանախոսը՝ «Ծառուկյան» դաշինքի ընտրական ցուցակով թիվ 1 ընտրատարածքում առաջադրված Մանուկ Սուքիասյանը շեշտեց՝ թեև «Ծառուկյան» դաշինքը հանրության ուշադրությանը ներկայացրել է ծրագրային 15 կետ, այդուհանդերձ, բնականաբար, դաշինքն ունի բազմաթիվ ծրագրային դրույթներ, որոնք կյանքի կկոչի ժողովրդի քվեն ստանալու պատագայում:

 

«Պարզապես այդ 15 կետերն այս անկումային վիճակը կասեցնելու համար են նախատեսված, որից հետո պետք է լինեն լուրջ փոփոխություններ: Հայաստանում պետք է տեղի ունենա իշխանափոխություն՝ ժողովրդի քվեին համապատասխան: Ցավոք, մենք դրա նախադեպը դեռևս չունենք: Ամենակարևոր խնդիրը իշխանափոխության նախադեպի ստեղծումն է՝ իշխանափոխության միջոցով»:

 

Մանրամասները՝ տեսանյութում:

 

Հունիսի 10-ին, ժամը 11.00 «Տեսակետ» մամուլի ակումբի հյուրն է ԱԺ «Իմ քայլը» խմբակցության պատգամավոր Գևորգ Պապոյանը: Թեման՝ «Հարկային օրենսգրքի նոր բարեփոխումները. իրակա՞ն են արդյոք թանկացումների մասին շրջանառվող լուրերը: Տնտեսական ընդհանուր իրավիճակ»:

 

 Ժամը 12.00 հյուրն է Կոտայքի մարզի Արամուս համայնքի բնակիչ Խորեն Ստեփանյանը: Թեման՝ «Խ. Ստեփանյանի տնկած ազնվամորու թփերը, որոնք արդեն իսկ պիտի մի քանի անգամ ջրված լինեին, չեն ջրվել՝ ջրամատակարարման անսպասելի խախտման պատճառով: Երկրից չարտագաղթելու որոշում ընդունած և սեփական հողում գործ դրած բնակիչն արդեն կրել է  1.5 մլն դրամի վնաս և կանգնել բանկային պարտավորությունների առաջ, սակայն ջուր մատակարարող ընկերությունը մեղքն իր վրա չի վերցնում: Ո՞վ է մեղավոր իրականում, ումի՞ց է պետք ակնկալել փոխհատուցում, և որո՞նք են Ստեփանյանի հետագա քայլերը»:

Հունիսի 7-ին, ժամը 11.00 «Տեսակետ» մամուլի ակումբի հյուրն է ԱԺ «Իմ քայլը» խմբակցության պատգամավոր, ադրբեջանագետ Տաթև Հայրապետյանը: Թեման՝ «Թուրք-ադրբեջանական զորավարժությունները, Բաքվից հնչող վերջին հայտարարությունները, ակնկալիքներ ՀՀ և Ադրբեջանի արտգործնախարարների առաջիկա հանդիպումից, հարակից հարցեր»:

  

Ժամը 12.00 հյուրերն են Կոռուպցիայի հակազդման ասոցիացիայի նախագահ Ալեքսանդր Ամարյանը և վերլուծաբան, հետաքննող լրագրող Արթուր Հովհաննիսյանը: Թեման՝ «ՀՀ կողմից Ստամբուլյան կոնվենցիայի վավերացման հարցը, դրա ռիսկերն ու վտանգները: Ինչու և ինչպես այն կարող է սպառնալ մեր ազգային անվտանգությանը»:

Հունիսի 6-ին, ժամը 12,00 «Տեսակետ» մամուլի ակումբի հյուրն է իրանագետ Վարդան Ոսկանյանը։ Թեման՝ «Հայաստանը և Իրանի շուրջ զարգացումները տարածաշրջանային համատեքստում։ Նախիջևան․ վերջին գործընթացները»։

 

Ժամը 13,00 հյուրերն են «Հանուն հայկական արժեքների պահպանության և Ստամբուլյան կոնվենցիայի դեմ պայքարող քաղաքացիական նախաձեռնող խմբի» անդամ Արթուր Արամյանը և իրավախորհրդատու Լիա Դալլաքյանը։ Թեման՝ «ՀՀ կողմից Ստամբուլյան կոնվենցիայի վավերացման հարցը․ վտանգները, սպառնալիքներն ազգային անվտանգությանը և մեր ազգային հոգեկերտվածքին, հակասությունը Սահմանադրությանը։ Ստամբուլյան կոնվենցիայի չեղարկման հարցը»։

Լրահոս

Ֆոտոռեպորտաժ

«Երևանյան գույներ»

Հարցումներ