Պաշտոնական - Սերժ Սարգսյանը ցավակցական հեռագիր է հղել Վլադիմիր Բարխուդարյանի մահվան կապակցությամբ

Նախագահ Սերժ Սարգսյանն այսօր ցավակցական հեռագիր է հղել Բարխուդարյանների ընտանիքին՝ Հայաստանի Հանրապետության գիտությունների ազգային ակադեմիայի ակադեմիկոս, Հայաստանի Հանրապետության գիտության վաստակավոր գործիչ, անվանի պատմաբան Վլադիմիր Բարխուդարյանի մահվան կապակցությամբ:

 

Հանրապետության Նախագահը խորին ցավակցություն է հայտնել ճանաչված մտավորականի ընտանիքին, հարազատներին, մերձավորներին և գործընկերներին:

 

«Վլադիմիր Բարխուդարյանն իր ողջ գիտական գործունեությունը նվիրեց հայ ժողովրդի պատմության, մասնավորապես՝ միջնադարագիտության, հայ գաղթավայրերի պատմության, հայ-ռուսական հարաբերությունների պատմության ուսումնասիրմանը և արժանիորեն վաստակեց իր գործընկերների և ողջ մտավորականության հարգանքն ու համակրանքը:

 

Մեծ է նաև վաստակաշատ պատմաբանի՝ որպես գիտության կազմակերպչի ավանդը, որ ներդրել է Հայաստանի Հանրապետության գիտությունների ազգային ակադեմիայի պատմության ինստիտուտում և ակադեմիայի նախագահությունում երկարամյա պաշտոնավարության տարիներին»,-ասված է Նախագահի ցավակցական հեռագրում:

 

Նյութի աղբյուր

Նախագահը շնորհավորել է Եթովպիայի նախագահին՝ երկրի Ազգային տոնի առթիվ

Նիկոլ Փաշինյանն աշխատանքային այցով կմեկնի Ղազախստան

Լրահոս

Ֆոտոռեպորտաժ

«Երևանյան գույներ»

Հարցումներ