«Տեսակետ» մամուլի ակումբ - Օհանյան-Օսկանյան դաշինքում հիվանդագին դրսևորումներ կան. Պարույր Հայրիկյան

«Ազգային ինքնորոշում միավորում» կուսակցության առաջնորդ Պարույր Հայրիկյանն այսօր մամուլի ասուլիսին անդրադարձավ Օհանյան-Օսկանյան դաշինքի հետ իր համագործակցությանը և նշեց, որ այնտեղ անցանկալի բաներ տեղի ունեցան, և հենց սկզբից էր ակնհայտ էր, որ այնտեղ կային հիվանդագին երևույթներ:

«Արամ Սարգսյանի հեռանալն ինձ համար արդեն ահազանգ էր, որ այնտեղ հիվանդագին դրսևորումներ կային։ Կարելի է ավելի վատ բաներ ասել՝ պրովոկացիոն, սադրիչ, ինչ-որ ուժերի հանձնարարության կատարում, և երբ տեսա, որ դրանք ոչ թե փորձվում են կանխվել, այլ խորանում են, ուրեմն այդ մարդիկ հիվանդ են, և այդ հիվանդությունը կոչվում է հանուն աթոռի ամեն ինչի գնալու պատրաստակամություն»,-ասաց նա:

Ինչ վերաբերում է ԱԻՄ-ի դիրքորոշմանը, Պարույր Հայրիկյանն ասաց, որ այս մի քանի օրը դեռ կօգտագործի մինչև վերջ:

Հարցին, թե որ ուժերի հետ է հավանական համարում համագործակցությունը, Հայրիկյանը պատասխանեց, որ ՀԱԿ-ի՝ ՀԺԿ-ի հետ, «Ելք»-ի, նոր ձևավորվող ուժերի, եթե նրանք բոլորը մի կողմ դնեն ամբիցիաները, պայմանավորվեն, որ ընդամենը երկու տարով են ընտրվում:

Նա նշեց, որ «Ժողովրդավարական հայրենիք» կուսակցության նախագահի հետ է մշտական կապի մեջ, որքան էլ զարմանալի է՝ «Միավորված կոմունիստներ»-ի հետ ևս:

«Եթե դու Արամ Սարգսյանից պետք է զրկվես այն պատճառով, որ քեզնից մի մարդ ավել լինի, Օհանյա՛ն, Օսկանյա՛ն, ուրեմն դու լավ մարդ չես, քո ընկալումը հիվանդագին է»,-ասաց նա և նշեց, որ Վիկտոր Դալլաքյանը նույն պատճառներով է դուրս եկել, ինչ Արամ Սարգսյանը: 

Ինչ վերաբերում է իր արտաքին կողմնորոշմանը, որը հակասում է իր հայտարարած ուժերի հետ համագործակցությանը, Պարույր Հայրիկյանն ասաց, որ այսօր Հայաստանի լինել-չլինելու հարց կա:

 

Tert.am

Հուլիսի 18-ին, ժամը 12.00 «Տեսակետ» մամուլի ակումբի հյուրերն են Հայաստանում ֆրանսիական համալսարանի շրջանավարտները: Թեման՝ «Հայաստանում ֆրանսիական համալսարանը 2011 թվականից ապօրինի է տրամադրում հայկական պետական դիպլոմները, քանի որ չունի պետական հավատարմագրում։ Բացի այդ՝ համալսարանը իր շրջանավարտներին չի տրամադրում օրենքով սահմանված հայկական դիպլոմի ներդիրը (հավելվածը) և յուրաքանչյուր տարի ընդունում է ՀՀ օրենսդրությանը և միջազգային պայմանագրերին հակասող ներքին կարգ»։

 

Հուլիսի 17-ին, ժամը 12.00 «Տեսակետ» մամուլի ակումբի հյուրերն են Էկոնոմիկայի նախարարության Բուսաբուծության և բույսերի պաշտպանության վարչության պետ Ռուդիկ Նազարյանը, միևնույն նախարարության Ագրովերամշակման և զարգացման վարչության պետ Գևորգ Ղազարյանը և ՍԱՊԾ Բուսասանիտարիայի տեսչության պետ Արթուր Նիկոյանը: Թեման՝ «Ի՞նչ նյութեր են օգտագործվում պտուղ-բանջարեղենի աճեցման գործում, որքանո՞վ են դրանք անվտանգ: Տեղական լոլիկի և վարունգի արտադրության խթանումը և արտահանման հնարավորությունները: Ներմուծված գյուղմթերք: Ինչպեՙ՚ս է վերահսկվում գյուղմթերքի շուկան: Հարակից հարցեր»:

Հուլիսի 15-ին, ժամը 11.00 «Տեսակետ» մամուլի ակումբի հյուրն է Նարկոլոգիական հանրապետական կենտրոնի տնօրեն Պետրոս Սեմերջյանը: Թեման՝ «Նարկոլոգիական իրավիճակը ՀՀ-ում՝ առողջապահական տեսանկյունից: Աճե՞լ, թե՞ նվազել է կենտրոնում հաշվառված հիվանդների թիվը, փոխվե՞լ է արդյոք տարիքային նվազագույն շեմը: Հնարավո՞ր է լիակատար բուժում, թե՞ ոչ: Մեր երկրի վիճակը թմրամոլների քանակի առումով՝ համեմատած տարածաշրջանի մյուս երկրների հետ: Վիճակագրական տվյալներ, թեմային առնչվող այլ հարցեր»:

 

Ժամը 12.00 հյուրն է ՀՀ ԳԱԱ Ֆիզիկական հետազոտությունների ինստիտուտի տնօրեն, ֆիզմաթ գիտ. դոկտոր, պրոֆեսոր, ՀՀ ԳԱԱ թղթակից անդամ Արամ Պապոյանը: Թեման՝ «Օպտիկայի պաշտպան» միջազգային հեղինակավոր կոչում-մրցանակին այս տարի արժանացել է Հայաստանը՝ աշխարհում օպտիկայի և ֆոտոնիկայի զարգացմանը նպաստելու համար: Ինչ են տալիս մեզ նման մրցանակները, ո՞ր ասպարեզներում են կիրառվում օպտիկան և ֆոտոնիկան: Հայաստանը՝ ոլորտում առաջատար երկիր: Միջազգային համագործակցություն և ծրագրեր, հարակից հարցեր»:

 

Լրահոս

Ֆոտոռեպորտաժ

«Երևանյան գույներ»

Հարցումներ