«Տեսակետ» մամուլի ակումբ - Սկսած ընտրատեղամասերում կամերաներ տեղադրելուց, վերջացրած իրավիճակով, որ ով՝ ում հետ ուզում, միավորվում է, որ հայտնվի հարմար դիրքում

Փետրվարի 1-ին «Տեսակետ» մամուլի ակումբի հյուրն էր գրող-հրապարակախոս Մերուժան Տեր-Գուլանյանը: Նա խոսեց նախընտրական իրավիճակից, դաշինքներից ու գնահատականներ տվեց սպասվող խորհրդարանական ընտրությունների վերաբերյալ: «Ընդհանրապես լավատես մարդ եմ, եւ մտածում եմ, որ այս անգամ ավելի լավ է լինելու, քան նախորդ անգամ: Ընտրությունները միշտ էլ հուզում են ժողովրդին, երբեմն սկսում են թշնամանալ ազգ ու բարեկամ, երկու եղբայր տարբեր ճակատների են բաժանվում….Բայց ես հույս ունեմ, որ այս անգամ երեւի թե շատ մաքուր ընտրություններ պիտի լինեն, արդար ու թափանցիկ, մանավանդ Սահմանադրությունն էլ դա թույլ է տալիս»,-ասաց բանախոսը: Ինչ վերաբերում է նախընտրական դաշինքներին, Մերուժան Տեր- Գուլանյանի ձեւակերպմամբ, նախընտրական հետաքրքիր հրմշտոց  կա: «Չկան սկզբունքներ, կա իրադարձություն, չկան օրենքներ (ներքին օրենքները նկատի ունեմ), կան հանգամանքներ եւ օգտվելով այդ ամենից՝ քաղաքական գործիչները, որ մի անգամ տնից դուրս են եկել ու մոտեցել խոսափողին, հիմա այլեւս չեն ուզում տուն վերադառնալ: Մարդիկ ամեն գնով ուզում են խորհրդարան մտնել, անկախ նրանից, թե որ դաշինքի հետ կլինեն»,-նշեց գրող-հրապարակախոսը: Մերուժան Տեր-Գուլանյանը վստահ է, որ իշխանությունների ձեռնարկած գործողությունները՝ վստահություն են ներշնչում. «Սկսած ընտրատեղամասերում կամերաներ տեղադրելուց, վերջացրած իրավիճակով, որ ով՝ ում հետ ուզում, միավորվում է, որ հայտնվի հարմար դիրքում»: Ասուլիսի ժամանակ Գագիկ Ծառուկյանի՝ քաղաքականություն վերադարձին էլ անդրադարձ եղավ: «Ես մի անգամ ասել եմ, չեմ ուզում կրկնվել: Ծառուկյանն իր գործը այնքան լավ է անում, նկատի ունեմ՝ բիզնես, տնտեսություն, որ լավ կլիներ այդ գործով զբաղվեր, ոչ թե քաղաքականությամբ»,-շարունակեց Տեր-Գուլանյանը:



Ամբողջական հոդվածը կարող եք կարդալ այս հասցեով՝ http://www.aravot.am/2017/02/01/851299/ 


Հուլիսի 22-ին, ժամը 12.00 «Տեսակետ» մամուլի ակումբի հյուրն է Արևելագիտության ինստիտուտի տնօրեն Ռուբեն Սաֆրաստյանը: Թեման՝ «Վերջին զարգացումները Սիրիայում և նրա շուրջ, քրդական խնդիր, այս ամենի ազդեցությունը Հայաստանի վրա, հարակից հարցեր»։

Հուլիսի 19-ին, ժամը 12.00 «Տեսակետ» մամուլի ակումբի հյուրերն են Հայաստանի Քրդական ազգային խորհրդի նախագահ Կնյազ Հասանովը, «Քուրդիստան» կոմիտեի նախագահ Սլո Դրբոյանը և Հայաստանի քուրդ կանանց խորհրդի անդամ Լիանա Մհոյանը: Թեման՝ «1. Թուրքական պետության հարձակումներն ու ռմբակոծություններն Իրաքյան Քուրդիստանի բնակչության շրջանում: Զոհվում են անմեղ բնակիչներ: Թուրքական պետությունը քրդերի նկատմամբ ցեղասպանություն է իրականացնում: 2. Քրդական համայնքի վիճակը Հայաստանում»։

 

Ժամը 13.00 հյուրերն են Արմավիր քաղաքի Անդրանիկ Օզանյանի անվան թիվ 5 հիմնական դպրոցի ծնողկոմիտեի նախագահ Հայաստան Հակոբյանը, ծնողկոմիտեի նախագահներ Քնքուշ Սերոբյանը և Էվելինա Բաբայանը: Թեման՝ «Արմավիրցիները փորձում են պաշտպանել մարզպետի կողմից ցույցի կազմակերպիչ որակված՝ դպրոցի ծնողկոմիտեի նախագահին (որին պատրաստվում են պատասխանատվության ենթարկել), և բացառել մարզպետի ուղղորդումը տնօրենի առաջիկա ընտրություններին»:

 

Հուլիսի 18-ին, ժամը 12.00 «Տեսակետ» մամուլի ակումբի հյուրերն են Հայաստանում ֆրանսիական համալսարանի շրջանավարտները: Թեման՝ «Հայաստանում ֆրանսիական համալսարանը 2011 թվականից ապօրինի է տրամադրում հայկական պետական դիպլոմները, քանի որ չունի պետական հավատարմագրում։ Բացի այդ՝ համալսարանը իր շրջանավարտներին չի տրամադրում օրենքով սահմանված հայկական դիպլոմի ներդիրը (հավելվածը) և յուրաքանչյուր տարի ընդունում է ՀՀ օրենսդրությանը և միջազգային պայմանագրերին հակասող ներքին կարգ»։

 

Լրահոս

Ֆոտոռեպորտաժ

«Երևանյան գույներ»

Հարցումներ