«Տեսակետ» մամուլի ակումբ - Գառնիկ Իսագուլյան. «Նախագահը տարածքների վերադարձի մասին չի խոսել»

Դեկտեմբերի 6-ին «Տեսակետ» մամուլի ակումբի հյուրն էր «Ազգային անվտանգություն» կուսակցության նախագահ Գառնիկ Իսագուլյանը: Նա անդրադարձավ Ալիևի վերջին հայտարարությանը, ինչպես նաեւ սահմանային լարվածությանը: «Անհասկանալի պատճառներով Ալիեւն անում է հայտարարություններ, որոնք ապացուցում են մի պարզ ճշմարտություն՝ Ադրբեջանի հռետորաբանությունը քաղաքակիրթ չի դառնում, այլ ավելի կոպտանում է…Մի բան պարզ է՝ Ադրբեջանի իշխանությունները գտնվում են ցայտնոտային իրավիճակում, քանի որ հասկանում են, որ այն, ինչ նախապատրաստել էին ապրիլին, ձախողվեց: Միջնորդների միջոցով իրենց Նովրուզի նախաշեմին խնդրել էին, որ հայկական կողմից գործողություններ չլինեն, մինչդեռ իրենք գնացին ուխտադրուժ գործողությունների: Բայց նաեւ հասկացան, որ ռազմական ճանապարհով անհնար է որեւէ հարց լուծել, քանի որ հանդիպեցին հայկական ուժերի լուրջ դիմադրությանը: Ադրբեջանը հասկանում է, որ նման կերպ որեւէ հաջողություն չի կարող արձանագրել»,-ասաց Գառնիկ Իսագուլյանը: Վկայակոչելով Արցախի նախագահի, վարչապետի, անվտանգության խորհրդի քարտուղարի տարբեր հայտարարությունները, «Ազգային անվտանգություն» կուսակցության նախագահը փաստեց, որ Թալիշը վերաբնակեցվում է, իսկ այն տարածքները, որ անցել էին Ադրբեջանի վերահսկողության ներքո, նրա համոզմամբ, վաղ թե ուշ կանցնեն հայկական կողմի վերահսկողության տակ: Բանախոսի ձեւակերպմամբ, Ադրբեջանը սպառել է բոլոր ռեսուրսները եւ ներկայումս գնում է սեփական ժողովրդին խաբելու եւ ստի ճանապարհով: Գառնիկ Իսագուլյանը հավելեց, որ հայկական կողմը միշտ էլ մասնակցում է նախագահների ու արտգործնախարարների ձեւաչափով հանդիպումներին ու բանակցություններին, ինչը երբեմն քաղտեխնոլոգների կողմից մեկնաբանվում է որպես թուլության նշան, մինչդեռ, նրա խոսքով, դա թյուր տպավորություն է: «Ազգային անվտանգություն» կուսակցության նախագահն ասում է, որ միշտ էլ շեշտվել է, որ խնդիրը կարող է լուծվել միայն Լեռնային Ղարաբաղի ժողովրդի ինքնորոշման իրավունքի ճանաչումից հետո, եւ միայն դրանից հետո կարող է խոսք գնալ տարածքների մասին: «Նախագահի կողմից երբեւէ խոսք չի եղել տարածքների զիջման մասին…Իմիջիայլոց, ես վերջերս եղել եմ Լեռնային Ղարաբաղում եւ տեսել եմ, թե ապրիլյան շրջանի հետ համեմատած ինչ լուրջ աշխատանքներ են կատարվել տեխնիկայի վերազինման, նորագույն տեխնոլոգիաների ներդրման եւ այլնի առումով: Համարյա ամեն շաբաթ ԼՂՀ նախագահն այցելում է սահմանամերձ շրջաններ, որտեղ բացվում են նոր տներ, մանկապարտեզներ եւ դպրոցներ»:

 

Aravot.am

Օգոստոսի 24-ին, ժամը 12.00 Արշակունյաց 16 Ա շենք, բն. 3 հասցեում (1-ին մուտք, 2-րդ հարկ) «Տեսակետ» մամուլի ակումբը կազմակերպում է արտագնա ասուլիս: Բանախոսը՝ փաստաբան Արման Թամրազյան: Թեման՝ «Նոր բացահայտումներ, նոր տեսագրություններ և նոր մեղադրանքներ՝ 2018 թ. հուլիսի 8-ին` Վարդավառի տոնի օրը, Կոտայքի մարզի Կոտայք գյուղում տեղի ունեցած միջադեպի կապակցությամբ Կարեն Գասպարյանի վերաբերյալ հարուցված քրեական գործի հետ կապված, որտեղ ակնհայտ կերպով խախտվել են Գասպարյանի իրավունքները, և վարույթն իրականացնող մարմինը կայացրել է ապօրինի որոշումներ»: Ասուլիսին ներկա կլինի նաև Կարեն Գասպարյանը:

 

Լրացուցիչ տեղեկությունների համար կարող եք զանգահարել հետևյալ հեռախոսահամարով՝ 093 23-44-29

Օգոստոսի 22-ին, ժամը 12.00 «Տեսակետ» մամուլի ակումբը Ե. Չարենցի անվան գրականության և արվեստի թանգարանում (Արամի 1) կազմակերպում է արտագնա ասուլիս: Բանախոսներն են ՀՀ վաստակավոր արտիստ, «Գութան» փառատոնի հիմնադիր Արսեն Գրիգորյանը, «Ակունք» ազգագրական համույթի հիմնադիրներից Սարգիս Բաղդասարյանը, «Նուբար» ավանդական երգի-պարի խմբի հիմնադիր ղեկավար Լուսինե Նազարյանը, «Սասնա ծռեր» ավանդական երգի-պարի խմբի հիմնադիր ղեկավար Հովհաննես Մկրտչյանը, «Արեգ» ավանդական երգի-պարի խմբի հիմնադիր ղեկավար Արտավազդ Այվազյանը և «Սեբաստացիներ» ավանդական երգի-պարի խմբի հիմնադիր ղեկավար Հայարփի Անանյանը: Թեման՝ «Օգոստոսի 23-ին արդեն 6-րդ անգամ կանցկացվի «Գութան» Հայաստանի երգի-պարի ամենամյա փառատոնը, որն այս անգամ նվիրված է Կոմիտասի 150-ամյակին: Որո՞նք են այս տարվա փառատոնի առանձնահատկությունները, ի՞նչ նպատակ ունի այն, ովքե՞ր են մասնակցում և այլն: Փառատոնի ընթացքում կներկայացվեն Կոմիտասին նվիրված 5 կարճամետրաժ ֆիլմեր»:

Օգոստոսի 20-ին, ժամը 11.00 «Տեսակետ» մամուլի ակումբի հյուրն է փաստաբան Արման Թամրազյանը: Թեման՝ «2018 թ. հուլիսի 8-ին` Վարդավառի տոնի օրը, Կոտայքի մարզի Կոտայք գյուղում տեղի ունեցած միջադեպի կապակցությամբ Կարեն Գասպարյանի վերաբերյալ հարուցված քրեական գործով` Կ. Գասպարյանի խախտված իրավունքների և վարույթն իրականացնող մարմնի ակնհայտ ապօրինի որոշումների մասին»: Ասուլիսի ընթացքում կցուցադրվեն թեմային առնչվող տեսագրություններ:

Լրահոս

Ֆոտոռեպորտաժ

«Երևանյան գույներ»

Հարցումներ