Տարածաշրջան - «ԱՄՆ-ը պետք է երախտապարտ լինի Թուրքիային ժողովրդավարությունը պաշտպանելու համար». Էրդողան

ԱՄՆ-ը պետք է երախտապարտ լինի Թուրքիային ժողովրդավարությունը պաշտպանելու համար, այլ ոչ թե աջակցի Ֆեթուլլահ Գյուլենին, որն առնչություն ունի երկրում ռազմական հեղաշրջման փորձին, հայտարարել է Թուրքիայի նախագահ Ռեջեփ Էրդողանը` մեկնաբանելով ԱՄՆ ԶՈՒ գլխավոր հրամանատարության ղեկավար, գեներալ Ջոզեֆ Վոթելի հայտարարությունն այն մասին, որ բանտերում են հայտնվել բազմաթիվ զինվորականներ, որոնց հետ աշխատում էր ամերիկյան կողմը և որոնք «Միացյալ Նահանգների» բարեկամներն են: Այս մասին հայտնում է TRT հեռուստաալիքը:

 

Վոթելի խոսքով` սովորական գործողությունները «Ինջիրլիք» ավիաբազայում վերականգնվել են, սակայն իրեն անհանգստացնում են ահաբեկչության դեմ պայքարի հետագա օպերացիաների երկարատև հետևանքները:

 

Թուրքիայի նախագահի խոսքով` թուրք ժողովուրդը չի մոռանա Գյուլենի շարժման, ինչպես նաև նրանց մասին, ով դրանց աջակցում է:

 

Ավելի վաղ Թուրքիայի ԱԳՆ ղեկավար Մևլյութ Չավուշօղլուն քննադատել էր Ջոզեֆ Վոթելի խոսքերը` դրանք անվանելով «ոչ կոմպետենտ»:

 

 

Նյութն ամբողջությամբ

Լրահոս

Ֆոտոռեպորտաժ

«Երևանյան գույներ»

Հարցումներ