«Տեսակետ» մամուլի ակումբ - 30-ից ավելի վրաց գիտնականների ցուցակ եմ տալու, որ ՀՀ-ի համար անցանկալի անձ համարվեն. Սամվել Կարապետյան

Այսօր` հուլիսի 15-ին, «Տեսակետ» մամուլի ակումբի հյուրն էր Հայկական ճարտարապետությունն ուսումնասիրող հիմնադրամի ղեկավար Սամվել Կարապետյանը:

 

Ասուլիսին ներկա էին հետևյալ լրատվամիջոցները.

Շանթ,

հ2,

Արարատ,

Կենտրոն,

Երկիր մեդիա,

168 ժամ,

vesti.am,

tert.am,

Իրավունք,

Արմենպրես:

 

Ստորև ներկայացնենք լրատվամիջոցների արձագանքը ասուլիսին:

 

tert.am 

 

Հայկական ճարտարապետությունն ուսումնասիրող հիմնադրամի ղեկավար Սամվել Կարապետյանն այսօր մամուլի ասուլիսին անդրադարձավ իրեն Վրաստան այցելելու արգելքին: Նա ասաց, որ դեռ անցած տարի հոկտեմբերին ինքը տասը հոգանոց խմբով այցելել էր Վրաստան՝ ուսումնասիրելու հայկական հուշարձանները, և այդ այցից հետո իրենք հայտնվել են Վրաստանի անցանկալի անձանց ցուցակում:

Նա նշեց, որ իր պարագայում կարող էին պատճառաբանել, թե ինքը ուսումնասիրություն է կատարել առանց թույլտվության, սակայն վարորդը և պարզապես խմբի հետ եկած կամավորները ևս հայտնվել են անցանկալի անձանց ցուցակում: Ըստ նրա՝ դրա պատճառը կարող է լինել նախկինում իր հրատարակված «Վրաց պետական քաղաքականությունը և հայկական մշակույթը» գիրքը, «Թիֆլիսի քաղաքագլուխները» աշխատությունը, որտեղ 8 դարի պատմություն էր ներկայացրել:

Սամվել Կարապետյանն ասաց, որ նամակ է գրել Վրաստանի դեսպանին, սակայն պատասխան չի ստացել: Նա ներկայացրեց, որ ՀՀ արտաքին գործերի նախարարության խորհրդականը իրենց պարզաբանել է, որ պատասխան չի էլ լինի, քանի որ, եթե Վրաստանը վտանգ է տեսնում որոշ անձանց առումով, մեկընդմիշտ է համարում անցանկալի անձ:

«Ինչպես ասում են՝ գող, սիրտը դող, բայց պետք է գողը պատժվի»,-ասաց նա և նշեց, որ այս որոշմամբ իրենց գործը չի դադարելու, քանի որ շատ գործընկերներ ունենք, որոնք կօգնեն:

 

Նյութն ամբողջությամբ

Հունիսի 26-ին, ժամը 12.00 «Տեսակետ» մամուլի ակումբի հյուրերն են «Հայաստանում Ֆրանսիական համալսարան» հիմնադրամի Մարքեթինգի ֆակուլտետի մագիստրատուրայի շրջանավարտ Վահե Թումանյանը, միևնույն համալսարանի Ֆինանսներ և  վերահսկողություն ֆակուլտետի մագիստրատուրայի շրջանավարտ Սամվել Ղարիբյանը և բակալավրիատի շրջանավարտներ Հայկ Դավթյանն ու Գրիգոր Մարկուպչյանը: Թեման՝ «Շրջանավարտները հայտնվել են փակուղու առջև: Ունենալով հայկական պետական նմուշի գերազանցության դիպլոմ, որը տրամադրվում է 90% ՄՈԳ ունենալու դեպքում՝ նրանք չեն կարողանում ստանալ տարկետման իրավունք և ապահովել շարունակական կրթության իրավունքը։ Օրենսդրական ի՞նչ բացի մասին է խոսքը, ինչու՞ ուս. հաստատության ներքին կարգը չի համապատասխանեցվել ՀՀ օրենսդրությանը և առաջացնում է թյուրիմացություն: Դիմումներ ԿԳՆ, ԱԳՆ, ՀՀ վարչապետին և այլն. պատասխաններ: Բանախոսների հետագա քայլերը»:     

 

 

Ժամը 13.00 հյուրերն են էնդոկրինոլոգ-սննդաբան Հասմիկ Աբովյանը և Սպառողների միության նախագահ Արմեն Պողոսյանը: Թեման՝ «Ո՞րն է ամառային ճիշտ սննդակարգը, և ինչպե՞ս խուսափել սննդային թունավորումներից ամռան շոգերին: Մթերքի պահածոյացման շրջան. անվտանգության պահպանման կանոնները: Թատրոնների դիմաց, այգիներում, հատկապես մանկական ժամանցի բացօթյա վայրերում իրականացվող փողոցային առևտուրն ու դրա վտանգները»:

Հունիսի 10-ին, ժամը 11.00 «Տեսակետ» մամուլի ակումբի հյուրն է ԱԺ «Իմ քայլը» խմբակցության պատգամավոր Գևորգ Պապոյանը: Թեման՝ «Հարկային օրենսգրքի նոր բարեփոխումները. իրակա՞ն են արդյոք թանկացումների մասին շրջանառվող լուրերը: Տնտեսական ընդհանուր իրավիճակ»:

 

 Ժամը 12.00 հյուրն է Կոտայքի մարզի Արամուս համայնքի բնակիչ Խորեն Ստեփանյանը: Թեման՝ «Խ. Ստեփանյանի տնկած ազնվամորու թփերը, որոնք արդեն իսկ պիտի մի քանի անգամ ջրված լինեին, չեն ջրվել՝ ջրամատակարարման անսպասելի խախտման պատճառով: Երկրից չարտագաղթելու որոշում ընդունած և սեփական հողում գործ դրած բնակիչն արդեն կրել է  1.5 մլն դրամի վնաս և կանգնել բանկային պարտավորությունների առաջ, սակայն ջուր մատակարարող ընկերությունը մեղքն իր վրա չի վերցնում: Ո՞վ է մեղավոր իրականում, ումի՞ց է պետք ակնկալել փոխհատուցում, և որո՞նք են Ստեփանյանի հետագա քայլերը»:

Հունիսի 7-ին, ժամը 11.00 «Տեսակետ» մամուլի ակումբի հյուրն է ԱԺ «Իմ քայլը» խմբակցության պատգամավոր, ադրբեջանագետ Տաթև Հայրապետյանը: Թեման՝ «Թուրք-ադրբեջանական զորավարժությունները, Բաքվից հնչող վերջին հայտարարությունները, ակնկալիքներ ՀՀ և Ադրբեջանի արտգործնախարարների առաջիկա հանդիպումից, հարակից հարցեր»:

  

Ժամը 12.00 հյուրերն են Կոռուպցիայի հակազդման ասոցիացիայի նախագահ Ալեքսանդր Ամարյանը և վերլուծաբան, հետաքննող լրագրող Արթուր Հովհաննիսյանը: Թեման՝ «ՀՀ կողմից Ստամբուլյան կոնվենցիայի վավերացման հարցը, դրա ռիսկերն ու վտանգները: Ինչու և ինչպես այն կարող է սպառնալ մեր ազգային անվտանգությանը»:

Լրահոս

Ֆոտոռեպորտաժ

«Երևանյան գույներ»

Հարցումներ