Տնտեսություն - Փոփոխություններ մայրաքաղաքի ավտոբուսային երթուղիներում

Երևանի քաղաքապետարանը հասարակական տրանսպորտի որոշակի ուղեգծերում ուղևորահոսքի նվազմամբ պայմանավորված ավտոբուսային որոշ երթուղիներում իրականացրել է  ուղեգծերի վերանայման և շտկման աշխատանքներ:

«Սույն թվականի հունվարի 26-ից որոշ երթուղիներից օգտվող քաղաքացիներն այսուհետ կսպասարկվեն տվյալ երթուղուն զուգահեռ գործող այլ երթուղիներից:
Ըստ այդմ, մասնավորապես թիվ 11 երթուղուց օգտվողները Գաջի գործարանից մինչև «Փեթակ» տոնավաճառ ընկածճանապարհահատվածը կարող են տեղափոխվել թիվ 18 ավտոբուսային երթուղով:


Թիվ 15 երթուղուց օգտվողները Աէրացիայից մինչև Աբովյան պուրակկարող են տեղափոխվել թիվ 65 միկրոավտոբուսային երթուղայիններով:


Թիվ 31 ավտոբուսային երթուղուց օգտվողները կարող են սպասարկվել թիվ 5 և թիվ 53 ավտոբուսային երթուղիներով`կենտրոնական ավտոկայանից դեպի Նոր Նորքի 4-րդ զանգված, իսկ Նոր Նորքի 9, 7 և 5-րդ զանգվածները կսպասարկվեն թիվ 53 ավտոբուսային երթուղով:
Թիվ 51 երթուղու ավտոբուսներից օգտվողներն էլ կարող են տեղափոխվել զուգահեռ գործող թիվ 22, 5, 26 և այլ երթուղիներով:


Հունվարի 27-ից թիվ 40 ավտոբուսային երթուղուց օգտվող քաղաքացիները կարող են տեղափոխվել թիվ35 երթուղու ավտոբուսներով, որի ուղեգիծը կերկարացվի մինչև Նոր Նորքի 5-րդ զանգված:


Իսկ թիվ 30 ավտոբուսային երթուղուց օգտվողքաղաքացիները կարող են տեղափոխվել թիվ 18 երթուղու ավտոբուսներով:


Երթուղագծերի վերանայման աշխատանքները շարունակվում են, այլ փոփոխությունների դեպքում հանրությանը լրացուցիչ կիրազեկվի»,–ասվում է հաղորդագրությունում:

 

Լրահոս

Ֆոտոռեպորտաժ

«Երևանյան գույներ»

Հարցումներ